Profile
Blog
Photos
Videos
Whakapapa Village -> Iwikau -> Taumarunu -> Tongaporutu
Aus erschts bini hüt am morge no wiiter dr Bärg zdüruf gfahre iz Iwikau Village. Das isch ganz z'oberst. I däm Örtli si d' Mordor Szene dräit worde für LOTR (=Herr der Ringe). Ig bi de det dMeads Wall Route abgloffe, was rächt imposant isch xi. De tobe hez nüt angers aus Vulkangstei & verdoorets Gras. Sehr wenig Gras. Eigentli nur Gstei Bi det ufe Krater gloffa, vo det hetme e suuper Ussicht ufe Mt. Ngauruhoe gha.
Aus nächschts bini nach Tongaporutu gfahre. Das isch ganz ar Westküste änä, öpis nördlich vo New Plymouth. Lut mim "Insider Reisefüährär" (NZFrenzy) isch das dr schönsti Ort ufdr Nordinsle. Ungerangerem wüws no keini Touris het und houptsächläch wüws e schwarze Strand, höchi Klippe, grossi Wäuä und unzähligi Höhline het.
Leider hets hüt nüme glängt zum dr Strand füre louffe, wüw dFluet wider am cho isch xi. Und die isch schins extrem gfährläch. Ebbe wird ersch morn um die 15:00 si. Drum xehts gad so us aus müässti dNacht hie verbringe. Schliessläch bini äxtra do härä gfahre.
Bimer aber nid sicher xi obi würkli hie söu übernachte so ganz allei Woni bi anecho isch e grosse Camping Bus det gstange und 2 euteri Lütlis vorusse am höcklä. Ig bi de ane gange und ha mitne afa redä. Dr Alan & Margret. Sie chömä us Paihia, ganz usem Norde. Hei ursprüngläch nur es Jahr mitem Camper wöue ga umereise, si aber mittlerwiilä sit 3 Johr ungerwägs. Hehe so cool.
Si heimer de gseit es sigi kei Problem, sie bliibi ou über nacht und faus öpis sigi söui ihne eifach rüäffä.
Ganz härzig……jo so verbringi iz, wider mau, dNacht hie diräkt am Strand…..
- comments