Profile
Blog
Photos
Videos
Am Morge simer los richtig Busstation. Ufem Weg det here het eus de Taxifahrer en andere Bus empfohle wo schneller (mas rapido) seg und drum hemer eus den churzerhand umentschiede. Det acho isch alles guet gange und e halb Stund spoeter isch de Bus au scho gfahre. Will mer als letscht igstiege sind, het de armi Buschauffeur nomol alles muesse usrume will eusi Rucksaeck zgross gsi sind. Waehrend de Busfahrt isch en Strasseverchaeufer igstiege und mir hend schnell zwei verschiedeni Spezialitaete kauft. Bim esse hemer festgstellt, dases genau sglich gsi isch und nur andersch us gseh het. Bim negschte Bushalt hemer denkt mir sind richtig und sind usgstiege. Dank em Buschauffeur hemer den gmerkt, das mer erscht in Rodadero sind und dases nomol es rechts Stuck witers goht. Im Zentrum vo Santa Marta simer den use und hend eus es Hotel gsuecht. Im Casa Familiar simer fuendig worde. Sisch ganz es guenstigs und wuerkli sehr familiaers Hotel, de chliini herzigi Sohn het eus is Zimer begleitet. S'erschti mol hemer sogar es eignigs WC und Duschi gha. Natuerlich het en Schwumm im Meer noed doerfe fehle, drum simer obwohls scho Obig gsi isch no schnell an Strand go abchuele. Will mir anschiinend d'Attraktion det gsi sind, hemer noed in Rueh choene go Schwuemme. Endlich hemer au mol no es typischs Aguila Bier teschtet. Mit viel Sand und Salz simer direkt witer is Reschti. En mega liebe Maa het eus eis empfohle. Womer ghockt sind (mir sind die einzige Gaescht gsi) hemer festgstellt, das mer imne Gourmet Reschti glandet sind. Bstellt hemer den trotzdem und zwor e Fischplatte und zwei Margharita. De Chellner het eus den Chnoblibrot, wissi Sauce (creme fraiche?) und Limette Schnitz brocht. Mir hend den agnoh, dass me es Chnoblibrot do demfall chli andersch isst und hend den die wissi Sauce und Limette-Saft drueber due. Churz druf abe isch de Chellner wieder cho mit de Fischplatte und het eus komisch aglueged will mer fliessig Sauce ufs Chnoblibrot due hend... dSauce und Limette weri wohl eher fuer de Fisch gsi!:-) Tuer isches schlussendlich noed mol gsi und sehr lecker!:-) Zrug im Hotel simer uf die wunderschoen Terrasse und hends eus i de Haengemattene gmuetlich gmacht.
- comments