Hi there

Hoff euch gohts allne guet?!

Die ersti Wuche isch jetzt o scho fascht verbi - d Ziit vergoht o do wie im Flug... Ha mi jetzt scho biz bi dr Gastfamilie und in dr Schuel iglaebt und ha scho e huffe neui Luet kenneglernt (die meiste choemmend o us dr Schwiiz :-) Maengisch hani gar nit s Gfuehl, dassi in Australie bi - sigs am Strand, immene Kaffi oder immene Lade, fast ueberall wird Schwiizerduetsch gschwaetzt :-)

Bi jetzt grad im Tribal Shop, doert cha me gratis an PC go und die organisiere o verschiedeni Trips, z.B. nach Fraser Island, Urulu, Whitsunday usw. Ha mer grad e paar Prospekt gschnappt, denn chani mir mol in Rueh ueberlegge, woni im Januar ane will.

S Waetter isch in de letschte 2 Daeg nit so schoen gsi, am Mittwuch bini usem Bus usgstige und sisch nit 1 Minute gange, het das affo raegne wie us chuebel... Bi pflaetschnass hei cho, d Colette (mini Gastmuetter) het mi nur usglacht :-) Woni denn daehei gsi bi hets natuerlich ufghoert raegne - typisch :-) Huet isches jetzt wieder schoen, drum goend mer nachher no biz an Beach.

Wuensch euch no ganz en schoene Daag und e erholsams Weekend.

Liebe Gruess, Vanessa