Profile
Blog
Photos
Videos
Hellllloo
So, chum aendlich wieder mol drzue oebis in Blog zschribe...
Am Sunntig vorere Wuche haend mer e wunderschoeni Wanderig gmacht. Mir sind vo Noosa Heads gstartet und im National Park alles an
dr Kueste noche bis nach Sunrise Beach glufe, wo mer denn zum Abschluss no sind go bade. Doert haend mer denn o en Koala bim Aesse doerfe bestune :-)Schaad isch e Daag vorane mini Kamera kaputt gange, ha jetzt "nur" es paar Foeteli ufem Natel choenne mache... Jae nu, ha uf jede Fall wieder e neui postet.
Letscht Samstig sind mer uf Fraser Island gange. Sisch mega schoen gsi, die verschiedene Lakes und Sache wo de doert chasch aluege sind wuerklich idrueklich und mir haends mega lustig gha in dr Gruppe. Schaad haend mers Waetter nit so breicht gha, Samstig und Sunntig hets praktisch nur graegnet aber am Mentig haend mer denn doch no Sunneschiin gha :-) Isch no witzig gsi im Bus. Wenner ueber Sandhuebel gfahre isch (und aer isch relativ schnaell gfahre) hets di grad vom Sitz ghaue :-)
Am Mentig sind mer ufe Indian Head gange, das isch en chline Huebel wo de e wunderschoeni Ussicht ueber d Insle hesch. Doert haend mer denn o d Bekanntschaft mitere Schlange gmacht... Mir sind alli nur ebbe 1-2 Meter vor ihre entfaernt gsi und haend Foeteli gmacht, bis denn mol en Guide cho isch und gseit het, mir selle doch biz Abstand halte. I hanen denn gfrogt, oeb si giftig isch und aer het gmeint, "nei, nur toetlich"... Mir sind denn alli es paar Meter zrugg gange... Am Samstig Zobe haend mer denn o naebe unserem Zaelt e Schlange gseh, die isch aber nit giftig gsi und dr einti Guide het se sogar ghabe...
D Colette het mer versproche, dass si mir am Wucheaend no biz duet berote, weli Staedt no sehenswaert waere. Denn chani negscht Wuche aendlich go min Trip definitiv bueche... freu mi jetzt scho druff :-)
Es wunderschoens Weekend und en liebe Gruess
Vanessa
- comments