Ég er öll að koma til :)

Svaf í nótt í alveg 9 tíma með smá hléum en mjög stuttum samt :) Ég gat borðað morgunmat án þess að verða flökurt. Svo rölti ég um, fór aftur til south Brisbane og skoðaði inn í skólann sem ég er að sækja um í, fékk mér að borða og tók síðan ferjuna til baka, það er rosaleg traffík á áni hérna og mismunandi ferjur en með einni þeirra er ókeypis að fara á milli borgarhluta.

Í kvöld ætla ég að kíkja niður á hostel barninn, hef ekkert gert það, einfaldlega ekki alveg meikað það. Fór samt út að borða í gær á alvöru japanskan veitingastað sem var æði, hef alltaf fundið asískur matur frekar ógirnilegur en þarna var maturinn rosa góður og ég borðaði frekar mikið sem ég held að hafi hjálpað mikið með jet lagið. Borðaði hráan lax með wasabi og miso súpu og vorrúllur (ótrúlegt en satt). Þetta var mjög skemmtilegur staður og maturinn kom á borðið geðveikt fljót en þjónustustúlkan sagði alltaf "Thank you for waiting" sem var spess en...

Á föstudaginn er ég að fara í hópferð í koala sanctuary þar sem eru líka kengúrur og krókódílar og slíkt. Það ætti að vera gaman. Svo á sunnudag fer ég til Byron Bay að læra að surfa. Þessir síðustu dagar hafa liðið hjá í mjög skrýtnu móki en ég er að koma til og er að fatta almennilega að ég sé í alvöru hér og það er svo margt sem er hægt að gera og sjá :)

Jæja ætla að fara að skella mér í sturtu og ná mér í frían kvöldmat niðri í eldhúsi :)

Rúna