Profile
Blog
Photos
Videos
Üse Flug nach Havana isch sidefin verloffe u es isch also scho Zyt worde das mir Mal umi si gfloge ;-). Wo mir si acho, heimer natürlech huere durscht ka, aber no ke Geld. Somit hei mer zersch müesse ga Geld wechsle u das natürlech nid zum beste Kurs, versteitsech ;-). Zum Verständnis, z Geld bechunt mä nume in Kuba u niene anders..die längi Schlange heimer natürlech easy gmeischtetet u si de doch no zu Geld cho. Hie in Kuba si sie halt scho schlaui Füchs, es git ä Touristewährig CUC und ä Nationalwährig CUP. (1 CUC = 24 CUP) Für Touriste isch natürlech alles türer oder mäh wird ämu meh usgno... Eh ja mir hoffe mir hei gnue Gäld derbii, wüll uselah chame nid da üser Charte eh nid gö, wird ja alles über d USA abgrechnet... woopwoop challenge accepted. Item üses Casa Particulares (Ana Maria) isch öpe 1 km vom Stadtzentrum entfehrnt gsi u üsi Gastmuetter isch soone flotti gsi u het üs bi allem gholfe :-). Mir hei üs überleit, wo mir in Kuba überall härä wei u hei üs ä Route zämägstellt. Mir wüsses, normalerwis macht me das vorhär, aber ja mir si etz halt so dra gwannet, spontan z siii. D' Ana het üs ner eifach gad überall äs Casa usegsuecht und dene gad aglütet, so das mir scho mal alles organisiert hei u nid no wild müesse ä Unterkunft sueche :-). Eifach Topp. So Casa Particulares chöimer übrigends jedem empfähle, die si günstig u mäh wohnt bi dä Iheimische Daheime und isch somit ar beste Quelle, so wägä Infos u allem ;-) Aja Zimmerpris pro Nacht = ca. 23 Chf) Was o sehr köstlech isch gsii, d Ana het üs gseit mir sölle scho Mal alli Busbilliet bir Busstation ga choufe für alli Routene wüll das sehr gfragt sigi. (Da mir Backpackers si, simer Busfahrer - versteitsech oder.) Guet, sie het üs da ner Locker flocker der Wäg beschriebe, wiemer härä chöme (mit Kollektivo uso) u bi ihre het das so nach 10 min tönt u ja mir hei ner öpe insgesamt 3h ka bis mer wieder si zrug gsi.. hahahha und derzue heimer die erste 2 Fahrte nid chönne bueche, da si scho si usbuechet gsi. Halb so schlimm, Ana het gmeint si findi de scho ä Lösig. Guuuut :-) O ds Busfahre isch hie nid günstig mir hei für 5 Fahrte je 64 Chf zahlt, o hie heisi natürlech ä Touristebusunternähmig (Viazul) und ä Local (Omnibus). ;-) Näbscht däm ganze Organisatorischteil hei mir in Havana natürlech ono chle öpis gmacht. Mir si viel umegloffe u hei einigi Sehenswürdigkeite agluegt. D'Stadt isch gwüss riesig, alls farbig u hie cruuse alli mit dene kuule Outos ume u scho nume das fätzt. D'Altstadt isch o mega kuul u dert hets viel Beizli mit Livebands. (leider hani da d Cam nid derbi ka - aber mir chöme ja de am Schluss nomal zrug uf Havana, es isch also no nüd verlore) Mir hei dänkt mir hei scho einiges gseh aber hie in Kuba geit öpe alles no 3 Mal langsamer als i de Länder womer bis iz si gsi, aber mir chöme scho z schlag... hahhaha Aja ud Lüt hei üs irgendwie mehrheitlech eher bös agluegt, wüll si öpe gmeint hei mir sige Amerikaner... ke Plan. Nebst dene wo üs bös agluegt hei, hets Type ka wo üs regelrecht gnervt hei mit ihrem hinde nache Pfiffä u Getuhe, sogar die "Alte" Manne. Eh ja mir gö iz Mal ab ufds Land ;-) Hasta luego.
- comments