Profile
Blog
Photos
Videos
Die letschti Busfahrt vo Varadero nach Havana isch sidefin verloffe u das dürne wunderschöni Landschaft. Mir si öpe am 21:00 Uhr acho u si när miteme Oldtimertaxi zu üsere erste Muetter gfahre u die het gwüss fröid ka üs umi z gseh, sowie mir natürlech o. :-) Der letscht Tag in Kuba isch rächt kuul gsi, dä heimer houptsächlech mit spaziere verbracht u hei z kubanische Flair gnosse, mir loufe gloub inzwüsche oscho so langsam wie d'Kubaner.. hahaha. Köstlech. Natürlech heimer üs o müesse entspanne u si im Viertel Old Havana ufem Plaza Vieja inere kuulä Beiz ga flanniere, vo dere Beiz us hetme ufe ganz Platz abe gseh u het sech gäbig ab de Lüt chönne amüsiere. I dere Hitz hets natürlech äs chüels Bier brucht. Mir si dört iz Gspräch cho mit zwöi Dütsche (elteri Dame, 60gi u ihrem Sohn) u die hei üs ner promt gad iglade, mir strahle äuä irgend ä positivi Energie us, weiss a nööööd =P Mir hei üs ner no ä Cohiba Zigarre kouft u hei die ner am Abe gmüetlech uf der Dachterasse baffet und so üs vo Kuba verabschiedet xD. Zum Abschied het üs d'Ana beidne no äs chlises Gschenkli gmacht, so härzig gsi! Mir hei äs chlises Kaffitassli becho, damer sooo gärn Kaffi trinke :-). We dir also jemals nach Havana göt, göt zu ihre, si isch würklech super! Hasta la victoria siempre.
- comments