Profile
Blog
Photos
Videos
Soo es geit witers, d Ana het üs äs Kollektivtaxi organisiert für nach Viñales u das für je 20 Chf, für 2.5h Fahrt. Hie in Viñales schiinä d Lüt scho viel glücklicher z siii u es het üs o vo Afang a scho besser gfalle, mir si halt Landeier u wärdes öpe o immer bliebe ;-). Äs isch o äs härzigs Dörfli mit farbige Hüser, alles louft slow down u im Supermarkt isch eigentlech meh oder we***** alles leer gsi, Wasser u Rum heisi aber geng ka ;-) D' Landschaft hie isch würk mega schön u das heimer necher wölle under d Luppe näh u hei ä Pferdetour düre Nationalpark gmacht (mir wo nid Rösserfan si, hei denkt mir probieres nomal mit dene), mir si öpe 5h underwegs gsi u hei Stopp's gmacht i Tabakfelder sowie Kaffifelder. Bim Tabakbur heimer gwüss chönne luege wieme Zigarrene macht u hei natürlech eini baffet, Trick vo Che Guevara - Zigarre i Honig dünkle, isch also würk guet gsi! Zudem dases ir Nacht grägnet het, si die Wägä voller Schlamm gsi u gar nid so gäbig gsi zum mite Rösser derdür z gah u mir hei ab und zue würk Schiss ka dases üs ufe Latz rüert... üsi Rösser si richtig gslidet...hahaha. Mir heis Heil usegschafft, mit es paar Schürfwundene u si beidi der Meinig dä mite Rösser isch izä düre =P Mit dem Husvater vom Casa (Mario) heimer gueti Gspräch ka u er het üs so gseit die Ganzi Gschicht vo Kuba verzellt, mir müesse iz uf jede Fall i kes Museum meh ga, mir wüsse iz Bscheid :-). Mir verstöh iz o warum si d Amerikaner so hasse u chöis o nachvollzieh.
- comments