Profile
Blog
Photos
Videos
DNacht isch sehr churz gsi. Han nöd so toll gschlafe. Aber isch au eifacher gsi, am 6i usem Huus und per Bus zur Kyoto Station zgo. Am 7ni han mi denn mitere andere Kyotoerin zum Zmorge-Tratsch troffe. Nachdem si uf de Zug isch, bini retour zum Hostel und han mini siebe Sache packt. Denn wieder zrugg zum Bahnhof und churz in 100 Yen Shop go äs Couvert und Zeihäsöcke poschte. Erschteres willi geschter no de Schlüssel zundersch im Necessaire gfunde han und zweiteres, willi hoffe, damit min chline Zeihä zentlaschte. Nach dere Shoppingtour ischs mit em Zug nach Osaka gange. Ich han en früänere Zug gno als erwartet und so hani nöd gnau gwüsst, welles min Aschluss isch. Da es abee dRinglinie isch, bini eifach mal uf dem Gleis vo dere Ringlinie igstige. Bin absolut zfuul gsi zum mich no gnäuer zinformiere. Und so bini imene Zugli glandet vo e Station vor mim Ziel vo de Ringlinie usbroche isch. Schlussentli bini halt wieder spöter am mim Ziel aglangt, als wenni die Verbindig gno het, woni usegschribe han.
Per Hochterasse-Weg ischs zur Fähre gange.
DFähreareal isch denn relativ überlade mit Container und es paar einzelni höchi Bürogebäudene. DWartehüüsli isch au nächli luschtig für so ä Fähre. Bis jetzt hets a so Ort immer no es Kafi und en Souvenirbereich gha. Bim Billet hole hani natürli völlig vergässe, nöd zerwähne, dass i wieder nach Japan iireise. En rächte Dödel. Aber wenn si mich frögt, öb i wieder nach Japan zruggchum hani nöd chönne lüge. Si het mer dänn es Wiedereinreiseformulae gä. Nachdem dSchlange weg gsi isch, bini num go fröge. Will ich bin nöd sicher gsi, öb ich äs ansers Formular bruche oder eifach keis. Letschteres isch de Fall gsi. Aber natürli hets dafür zersch ä langi Erchlärig zersch in Japanisch, denn in Englisch und no es Telefon id Immigration brucht. Han scho Angscht gha, ich heg alles vermasslet. Schlussendlich isch alles in Ornig gsi und ich bin äntli min Studentestatus los. De Residenzuuswiis isch glochet.
Mer sind erscht ufs Schiff glo worde, wommer eigentlich scho hettet söle abfahre. An Bord isch mer de Zimmerschlüssel a de Information go hole und isch sich denn go irrichte. Ich han es futon-Zimmer reserviert. Da es nöd so voll gsi isch, hani sganze Zimmer für mich gha. Dana bini ufs Oberdeck zum dAbfahrt zgnüsse. Statt am Viertel ab drüü ischs erscht am halbi füfi abgfahre. SSchiff het au es Kafi, Sushibar, Souvenirshop, chline Lade, Karaoke, Game center. Uf de Charte isch au es Business Center. Komischerwiis sind det Dart-Maschine. Nach de Abfahrt simmer zersch dur de riisig Hafe von Osaka und an Kobe verbi. Denn ischs unter de gröschte Hängebrugg vo de Wält duregange: dAkashi-Kaikyo-Brugg. Dana ischs schnäll dunkel gsi und me het nüt me gseh. Nächli unheimlich. Am halbi Sibni isch dur de Luutsprecher gseit worde, dass es zNacht git. Zu minere Überraschig het mer nur e Stund de Ziit. Het mi nächli gstresst. Han vom Buffet alles nächli probiärt. Irgendwiä het alles nächli glich gschmöckt. Ich han au vergässe, dass dKoreaner eher rassiger ässet. Aso sisch überall das Chiliöl drin. Fein, aber nächli eitönig. Ich hoffe, am Feschtland hets nächli meh Variatione. Bin grad nöd so Fan vo dem. Mini Tischnachbarin het ä Modelfigur und het vier Teller ghüüft und gässe. Au dJapaner chönd vill Ässe, aber ab dere Dame hani nächli gstuunt. Nachem zNacht hets Karaoke ghä uf de grosse Bühne, da bini schnell is Kafi gflüchtet. Es isch nöd so schön gsi...Nachem Kafi ischs i mini Kajüte gange.
ZFuäss 16000, 12.3km , Zug/UBahn 54km, Fähre 650km
- comments