Profile
Blog
Photos
Videos
Piffpaffpufff.... und scho sind mer in Jasper...
wia scho dia ganz Wuche isch uese erschte Hostel oder Camping voll oder haesslich touristisch aaghuuchet.... d'Fabe het gmeint, ich soell nid so oft Faekalsproch bruuche.... Also fahred mer wieder 30 Kilometer retour und landet im Athabasca Hostel, wo ues da Michel scho erwartet und ues zerscht emol bittet, ueseri Schue uuszieh... Er schwaetzt ues en Jugipass uf, wo er ues dae in d'Hand druckt seit er:" Welcome to the Family"
Wia wohr!!!!!!!!!!! Siit em Samschtig haenget mer do umenand und eigentlich han i gar kei Luscht me zum weggoh!! Da Michel und sin Schatz, d'Maude, sind richtigi Goldschaetz, si hend es 7 Monat alts Baby wo scho jetzt 8 Sprooche redet... :-0
Am Sunntig hend mer uesi erschti richtigi Wanderig gmacht, zu da Geraldine-Lakes.
Am Aafang isch es a chli berguuf, denn chli meh, denn sind mer vor ema Wasserfall gstande und ueses Waegli isch fascht senkrecht im Zikzack nebed draa ufe... Aber min Schnueggu und ich sind ebe Siebesieche und hend au no dia letschte paar meter gschafft, bis zum 2te See zhinderscht uf da Camping. Natuerlich isch bi ues dia ganz Ziit Baerealarm gsii, ich han uf em ufewaeg vor mich anegjohled (d'Fabe het mi uusglachet...), uf em abewaeg hets ploetzlich vo hinde aagfange umesinge und johle, wills oeppertem nuem so wohl gsii isch... han i au oeppis z'lache gha!
Ich mues da Fabe a dere Stell no es riese Kompliment mache!!!!!!!!!!!!
4std ufe und 3std. abe, oeppe 1000 hoehemeter(1weg), Stei bis zum abwinke, Wurzle zum drueberkeie und kein Schwein (oder suscht es Tier oder so) unterwegs, und d'Fabe het nur ganz churz umegmoetzlet und isch suscht tapfer mitgloffe!!!!!!!! Eifach a grandiosi Leischtig!!!!!!
Somit isch schlofe absolut kei Blem me gsiii, bis am morge alli Chnoche und Muskle weh tue hend.... natuerlich nur da Fabe... hihi
PEACE Blueemli
- comments