Profile
Blog
Photos
Videos
Hello...
Ir noechi vo Saskatchewan Crossing, also zmittzt im Nuet, hei mir e Jugi gfunde mit dem ersehnte warme und weiche Bett. Die Art vo Jugi wo mir drin glandet sind isch es "wilderness hostel" das heisst, kei fliessend Wasser, kei WC Spuehlig und kei Strom... aber s wichtigschte hets und das isch es weichs und warms Bett. Mir (Fabienne) hend nach dene Campingnaecht beidi Hueftknoeche so weh tue, dass i noemme han choenne uf dr Siite ligge... ohhhh... eg weiss, eg be es arms :-) uf jede Fall hend mir doert dr Allen troffe. Er het uf d Jugi acht gaeh und isch die Art vo Moensch wo eifach ned zur Rueh us z bringe isch. Irgendwie isch er mir erluechtet vorcho... eifach zfriede, ruhig und gmuetlich, sehr hilfsbereit, wie uebrigens alli Kanadier wo mir bis jetzt troffe hend.
Jojo, genau so isch es gsii.... hinder em Hostel, wo uebrigens Rampard Creek heisst(d'Fabe und Naeme....), isch so es chliises Huegeli gstande (stoht immerno... ;-))womer vor uesere Wiiterreis bestige haend... Da Allen het ues verzellt, dass das fruehner en Uusschauplatz vo da Natives gsii sig wo si nach allerhand Gefiechs und so uusschau ghalte hend... Und genauso sind mer ues nach ema churze aber steileUufstieg au vorcho... Wia 2 Indianer uf em Chriegspfad oder so... Pokahontas und Winnethou !!!!!!!!!!!
Miar hend denn aber beschlosse, no chli wiiter in dia unglaublichi Wildnis vorzdringe und sind wiiter.
Durch endloosi Waelder und Strosse ohni richtigi Kurve isch es ufe Richtig Columbia-Icefields, wo mer a churzi Pause iigleit hend und sind go da Athabasca-Gletscher aaluege...
So, Muess go kaecke.... FAAAAAABEEEEEE....
- comments
The mounty Interessant. Mir hoffed, du häsch di gründlich ussgschisse, bevors wider id wildnis goht... Gwüssi groosi tierli (BIIIG ANIMALS) chönt eso än feine stink relativ guet und wiit schmecke. Und wenn dich denn eis vo dene tierli in arsch biist, weisch wa i meine... Keep on blogging! P.S. Jetzt verstönd ihr viillicht, werum ich sofort uf canada würd uswandere... Liebei Grüssli vo Ruth, Sam, Riley and me.