Profile
Blog
Photos
Videos
Morgaaaaaeeeee,
Heiligs Kanonerohr, jetzt hend mer endlich en Baer gseh, aber Phoetele hend mer na nid choenne... Baerjam on the Road.....
Aber zum Glueck gits jo no en Huuffe anderi Sache zum bestuune...
Jetzt fanget mer aber emol vo vore aa....
ha kei Ahnig wo mer soelled aafange... Bin ganz us em Huesli vo all daene viele Saecheli zum bestuune... drum gib i jetzt grad wiiter...
FAAABEEEE...... Ziit zum Blogge...
Also... hoi zaeme
nach Calgary sind mir wiiter Richtig Banff National Park... aber zerscht hend mir muesse go s Auto hole in Calgary Airport... und zrug zum Bed and Breafast finde dur die ganz Stadt dure zum s Gepaeck hole... irgendwie isch do in Calgary nuet richtig agschribe wos zum Highway goht oder so... ca. nach 1.5 Stund sind mini Nerve so blank glaege dass es noemme viel bruucht haetti und eg waer usgstiige und haet afo umeflueche... so han i eifach chli im Auto umegmoetzlet bis mir oeppert gfunde hend wo ues dr Waeg uf d Autobahn het choenne erklaere... mein Gott, nerve mi grad wieder wenn i dra daenke... mir haette gschiiter es Navigraetli gmietet... aber nei, mir hend jo woelle "richtig" reise ohne zuesaetzlichs gear und so! Das het me dervo... jo no... irgendwenn hend mirs denn gliich no gfunde. Mir sind denne dutzendi vo Kilometer durch Wiiti gfahre wo me sich ir Schwiiz gar ned chan vorstelle... es isch eifach stundelang grad us durch groooooosi groooosi Felder... bis irgendwenn am Horizont Berge uftaucht sind. Endlich, nach em Stadt Trubel hend mir endlich d Wildnis erreicht juupppppiiii... mir sind eifach beidi keini Stadt Kind!!! Mir hend denn en Jahrespass fuer alli Nationalparks kauft und s Abenteuer isch los gange...
Als erschts sind mir im Banff Nationalpark glandet wo mir uf em Zeltliplatz Two Jack Lake fuer zwoi Taeg campiert hend... wow.... dr Platz liit amne Bergseeli umrahmt vo dichte Nadelwaelder und es isch mucksmuesli still gsi... usser d Girls naebet ues wo staendig gfurzt und gorpst hend hihih...
Irgendwenn isch e mega Sturm vorbii zoge und mir sind froh gsi, het ueses Zelt dem stand ghebet... vieli Zelt hend noemme so toll usgseh... Schwiizer Qualitaet (made in China) isch eifach guet! Mir hend en Tag Rueh igleit und sind wiiteri Bergseeli go aluege wie dr Minnewaka Lake. Doert hend mir uesi erschte grosse Tierli gseh... es isch eifach wunderschoen gsi!!! see pictures!
Nach 2 harte Naecht ir Kaelti und steinhartem Bode hend mir ues entschlosse en Jugendherberge mit eme weiche Bett und ir Waermi z sueche. Banff isch ues z touristisch gsi also sind mir wiiter Richtig Lake Luise.
bussi
Reto und Fabienne
- comments