Profile
Blog
Photos
Videos
Servus...
So hoet hend mir e Route nach Medicine Lake und Malinge Lake planet mit eme Abstaecher nach Malinge Canion. Dae Canion isch ueber 50 Meter tuef aber zu dem spoeter..
Mir sind also am Morge frueh losgfahre und hend direkt uf em Waeg is Tal uesen erschte Schwarzbaer gseh... wow... es isch nur en Teenager gsi aber scho ziemlich iidruecklich... mir hend die ganz Ziit uf en Baer gwartet und wenn mes ned erwartet stoht er ploetzlich vor eim. Zum Glueck sind mir im Auto gsi... Es hend aber wieder sooooo viel Touris uf dr Stross parkiert zum es guets Phoeteli mache, dass mir entschlosse hend, mir loend das arme Tier in Rueh und fahred eifach wiiter... isch eigentlich schad... isch en haerzige, knuffige Schwarzbaer gsi... me muess aber natuerlich immer im Hinterkopf bhalte, dass es es Raubtier isch und ueberhaupt nuet zum umespiele oder so...
Dr groessti natuerlichi See isch ebe dr Malinge lake. Er isch 20 Kilometer lang und ar breitischte Stell 2 Kilometer breit und 97 Meter tuef... raecht idruecklich!!!
So, d'Faebu macht wieder chli schriibpause...
Am Lake hend mer an chliine Track gnoh wo nid so nach Touris uusgseh het und au nid allzusteil gsii isch. Moskitos ohni Ende, mich stoerts aber nid, will dia Viechser so bescheuert sind dass sie hauptsaechlich d'Fabe steched... hihihihihi.... Es voellig neus Gfuehl fuer mich, steched doch d'Schwiizermugge vorallem mich :-0
Wo mer so am laufe sind, da Weg isch ziemlich lang grad gsii, stoht ploetzlich oeppe 100 meter vor ues es Squirrel uf em Waeg und speeded direkt uf ues zue. Miar sind stoh blibe, lueged dem chline Schiisserli zue wias direkt uf ues zuerennt.... Es bliibt 2 Meter vor ues stoh, luegt ues churz a und rennt genau zwuesched ues dure und wiiter em Weg entlang.... so es hemmigsloses Teil...
Und chum sind mer chli wiitergloffe, do gsend mer uf ere grosse Wiese a Hirsch?-Elk?-oder a Moose?- Chue mit ihrem Chalb. Natuerlich hend mer in beschter Japanermanier grad d'Kamera zueckt, ussert 1nem Phoeteli us da wiiti, wo ma richtig guet chan go sueche, hets aber nid da huufe gaeh.... to shy this Guys....
Also zrugg zum Parkinglot und Retour Richtig Medicine-Lake/Malinge-Canyon. Da Medicine Lake isch no witzig, er het kein Sichtbare Abfluss und ma het erscht vor oeppe 100 Johr usegfunde, wo das ganze Wasser Unterirdisch, i einem vo da groeschte Unterirdische Flusssystem, abfluesst. Wenn er meh wend wuesse drueber mueend er ues halt froge... ;-)
Miar sind denn grad no amane Elk ueber da Waeg gloffe, klickklick und hopp abe zum Malinge-Canyon.
Wie obe scho erwaehnt isch dr Malinge Canyon ca. 50 Meter tuef. S Wasser hets sich ueber die ganze Johr (8000 Johr) dure Stei gfraesse... das het unglaublich schoeni Muster und Waeg id Stei gaeh! Mir sind fast dr ganz Canyon abegloffe und nochaer alles steil wieder berguf... im Vergliich zum Geraldine Lake isch das aber Pippifatz gsi :-)
Am Obe denn wie immer.... es riese Lagerfuer mit vielne guete Luet, wo zwar jede Obe wechsle will di meiste irgendwie dur die Nationalparks dureraset... vieli woend Geld spare und naeme Bus, wo bestimmti Route dur d Nationalparks fahre. Hend aber usegfunde, dass das viel z tuer isch... wenn dir so was vor hend, mietet lieber es Auto und bliibet es paar Tag amne Ort... erscht so erlebt me die Ortschafte und Landschafte woerkli guet...
Mir sind jetzt scho sit am Samstig, sit also oeppe 5 Tag i daem Hostel und hend jede Tag es anders Tourli gmacht... es git do in Jasper enorm viel zum mache, laufe, luege etc.
Hebet uech sorg und liebi Gruess
Fabienne und Reto
- comments