Profile
Blog
Photos
Videos
Usgschlofe und voller Motivation hemer eus mit Reisefuehrer und Woerterbuech usgrueschtet uf de Weg id Stadt gmacht. S'Geld hemer natuerlich vorher brav a verschiedene Stelle am Koerper versteckt (i de Socke, BH, Spezial-Geheim-Gurt). Natuerlich hemer au no es Fake-Portmonee mit biz Bargeld gha, fuer de Fall das mer usgraubt werded. Waehrend 8 Stunde Fuessmarsch hemer unteranderem en Zwueschefall mitemne Ma und sim Lama gha, es mega feins kolumbianisches Esse gnosse, viel Foeteli gmacht, eus es bizeli veriirt und die erschte Idrueck gnosse. D'Stadt het eus sehr gfalle, es het sehr fruendlichi und hilfsbereiti Iwohner, herzigi Gaessli, feins Esse und e cooli Stimmig. Leider hets grad abe gschiffet und mir sind patschnass witers dur d Stadt. De Busbahnhof hemer au no muesse sueche, damit mer am negschte Tag uf Medellin hend choene fahre. Das isch e riese Useforderig gsi und mir hend eus schlussendlich den doch fuers Taxi entschiede. Vom Pris fuer die wiite Fahrte simer positiv ueberrascht gsi: fuer 9 Stunde Carfahrt hemer 30 CHF pro Person zahlt!:-)
- comments