Profile
Blog
Photos
Videos
Sodelii die ersti Wuche esch verbii und ech han mech hie langsam igläbt. Die erste Täg hie hani ja ausführlech gschilderet i mine erste Blogs.
Am Donnerstag simmer ab obe no lang zur Stadt gschlenderet und schliesslech bem Ocian Drive es go trinke, es verstaht sich natürlech es Cola und IceTea da ech ja nonig 21 bin.
Am Freitag abe esch Kino agseid gsii, mer sind "Get Hard" go luege. Esch en lustige Film gsii, han sogar au meiste verstande. Medium Pack beim Trinke und Popcorn hed mech chlii gschockt, vo de Grössi her :D
De Samstig hed denne am 11i agfange mit Brunche, wie immer i de Cafeteria und esch nachher witergange uf CityTour. Mir sind mit em Bus quer dur Miami nach Little Havana, dete hemmer en Zigarre fabrik agluegt und nachher witer mit em Bus, es esch nachher zimmli langwilig gsii, da mer nume a Hüser verbii gfahre sind, wo de chauffeur verzellt hed was mit denne passiert esch. Überhaupt ned spannend.
Denne esch witergange mit de Boottour. Es esch mega schön gsii, alles vom Wasser us gsee. Hüser vo de Promis beguedacht.
Am Obe hemmer denne eus mal am Wäsche versuecht, hed sogar no gued klapped, mer hend 4de eus zwoi wöschmaschinene teil, somit simmer vell günstiger cho.
Sunntig hemmer denne am Strand verbracht
- comments