Profile
Blog
Photos
Videos
De perfekti Start i Tag am Morge am 4ii, für ein Person wo letschte halbe Jahr frühestens am 8i ufgstande esch L
Wie au immer, mit gnueg Ziir esch es a Flughafe Züri gange, Gepäckabgab ohni Problem, no 30 Minute Ziit mit de Family und mim Schatziiii. Nachemene Tränerichte Abschiid, esch es denne eleige witergange. Dur alli Sicherheitskontrolle dure, und nach emen Augeblick warte esch au scho Boarding ufgruefe worde.
De Flug uf London esch ohni Problem gange, mer hend aber 10 Minunte verspötig gha, drum esch kurz vo de Landig en Stuardess zu mer cho und hed mech fast vordest umplatziert, da zum Umstiege nachher knapp wird und ech so am schnellste usem Flugi chume, gmeinsam mit zwoi andere Schiizerinne. Wo mer usgstege sind, hed scho eini uf eus gwarted wo eus im eiltempo zum Bus bracht hed, wo vom Terminal 5 zum 3 gfahre esch wo nachher witer gange esch. Mer hend en orangische Zettel becho, mit dem besch bevorzugt worde, als schnell reisende. So hemmer be de Sicherheitskontrolle en spezial Igang gha und sind grad drah cho. Witer esch gange zur Passkonrolle und Boardinpass, dete hemmer weder spezial behandlig gha und hend weder vor allne chöne intrücke und sind au ned so streg kontrolliet worde mit em Visum wie die andere. Nach emene lange Weg simmer denne grad zum Gate 31 cho, wo die andere grad am ichecke gsi sind. Würd sege hed grad „Just i Time" passt.
Im Flugi nach Miami, ändlech mal chli versueche Schlafe mit mim neue Küssi und de Schuhuuuu J Aber au das hed ned so vell bracht, allso hani scho einigi Sitelangi Emails für de Kanuclub gschrebe und einiges Organisier, mis Buech agfange läse und die cheibe 9 Stund, sind scho verdampt lang…… Wenn ech scho uf dem Stuehl gfange ben, bliebi mer wenigstens Treue und trinke fliessig Tee, au wenn mer de numme mit gnueg Zucker chan trinke. Vo de British Airways werdi fliisig verwöhnt mit Trinke und Esse und de Flugi-Frass hani mer schlimmer vorgstellt.
Das no 4 Stunde gad bes ich in MIAMI lande, müend ehr halt min langi Text läse, weli schüscht ned weis was mache….
Mit 40 min verspötig und öbe 5 sicherheitschecks spöter beni denne i de akunftshalle gsii, dete keine vo EF ume! Ei typ wo uf en anderi person hed müese warte, hed denne mal de EF aglüte, hed au niemert abgno. Schlussändlech hanine irgendwo wit hinde ufem bänkli höcklend gfunde, föllig demotiviert well er über 90 min hed müesse uf mech warte. Nachher hani no lang müesse am flughafe warte well zwoi anderi au no glii cho sind.
Ändlech i de schuel acho, esch niemert am Info-Desk gsii, wo eus hät selle zimmer gäh und so. Nach 20 min esch denn au dete en Typ uf taucht, wos ergendwie au ned so im Griff gha hed. Emal mini Sache is Zimmer ufe dah. Bin mit Sack und Pack is Zimmer ine gstolpere cho und mini neue Mitbewohneri lueged mech blöd ah, ignoriered mech. Voll komisch gsii, die eint esch grad zum zimmer us woni ine cho bin und mit de andere hani denn es bitz grad, die chund vo equador, esch aber voll apisst vo mer.
Denn beni halt weder abe und han ganze Bett bezug müese gah hole und en Studente-Uswiis mache. Denn esch aber weder en andere Typ ume gsii, wo mer nume Decki hed welle gäh und gmeint ech müesi spöter weder cho, also beni langsam au apisst gsii, 5mal laufe, wenns i einisch chöntsch mache ....
Nach dem ech ID gha han, hani mit dere chöne go zNacht esse, besch uhure lang agstande, schlussendlech heds no en burger gäh, min appetit esch aber au vergange gsii, natürlech eleige müese esse, well ech ja no niemert kenne. Ben denn nachher uf Therasse use gos Pool aluege und s'Wegli entlang glofe a Strand. Ich has mer ergendwie vell schöner vorgstellt, das woni ufe ersti Blick gsee han, esch ned so überzügend gsii.
Zrug im Zimmer han ech der afe allne zrug schriebe und denn esch die anderi Mitbewohneri ineplatz und siehe da en Basleriiii, also hani scho erste mal schwiiizerdütsch pleuderlet, hed gued dah, mal verstande zwerde und alles erklärt und tipps becho. Wie zum Bispel, wieso die scheiss Klimaalage uf 18C abedreiht sind i de Hüser und dosse esch es en sau hitz. Esch wegem schimmel...
Mim Abe esch denne am 8i zEnd gsii, ben so tod müed gsii, nur na ga schlafe. Plötzlrch chlöpfts und täschts im Zimmer, die eint Mitbewohnerii esch heicho, am 2ii. Am 4i dasselbe, nume hed die no grad en Kollegin mitgno, wo au grad be ehre im Bett pennt hed. Ansonste hani einigermasse gued gschlafe.
- comments