San Francisco - Golden Gate Bridge 4ever in Love J

Es isch wieder es Ziitli vergange und ich han scho wieder sehr viel erlebt J

Als ersts het mich d Fabi am Flughafe von San Francisco mitme lächle empfange ... ich han uuh freud gha. Mir händ d Stadt mit dä Cablecarsund mit eusne Füess (mmmh, sicher40 km) erkundet, guet eus isch natürlich nöd bewusst gsi, das d Golde Gate Bridge soooo wiit use isch. Aber es het sich glohnt, wie mer a dr Föteli dänn gseht, isch es s Highlight vo San Francisco J 4ever in Love ... nebetbii händ mir sicher die 3 schönste Täg vom Jahr gha, isch uuh warm gsi, drum het eus d Stadt sicher au sooo sehr beidruckt ... Au Alcatraz hemmer en Bsuech abgstattet, isch na interessant gsi. Und leider isch nach dene 3 Täg au scho wieder Ziit gsi, eusi Lieblingsstadt z verlo L Aber natürlich isch es sehr interessant und luschtig wiitergange ...

Lake Tahoe / Mono Lake / Yosemite Nationalpark

Mit üsem heisse Schlitte simmer dänn is no wärmere Landesinnere gfahre. Mir händ aber leider müese Bekanntschaft mit em Sheriff mache, aber dank eusem Charme isch alles SAVE. Bim Lake Tahoe hemmer en Stopp gmacht, isch herzig gsi und nach dä Grossstadt het eus d Rueh guet ta ... 1 Tag het aber völlig glanget. Wiiter isch es gange richtig Yosemite, aber mir händ no dä Mono Lake uf em Weg entdeckt, wooow, isch das schön gsi. Dä Sunrise hemmer natürlich nöd usloh welä, drum simmer extra am 5i ufgstande ... uuuui isch das früh gsi, aber d Föteli zeiget das sich würklich glohnt het. Nachdem mir eusi Koffere wieder packt händ, isch es wiiter gange zum anschienend atemberaubende (gem. Lonely Planet Reiseführer) Nationalpark. Wir kamen, sahen und gingen J

Highway 1

Zrugg isch es ad Küste nach Santa Cruz gange. Vo dert us hemmer dä Highway 1 gmacht, mir sind dr Küste entlang bis nach Santa Barbara düst ... natürlich simmer mit eusem Sound (natürlich ganz lieslig) nöd ufgfallä J D Küste het eus sehr gfallä, würklich meega cooli Strecki ... In Santa Barbara hemmer dä Strand und d Shoppingmeile chli gnosse. Und scho isch es wieder an Highway 1 und zrugg id Wüsti gange.

Las Vegas

In Las Vegas acho, hemmer nach Übernachtige im Mehrbettzimmer (12 Bett) euses meega Zimmer im Luxor Hotel bezoge (schnäppli). Au da simmer mal wieder KM um KM glaufe, Strip ufe und abe, dur alli Hotels. Vegas - e eigeni Welt ... Am Nami hemmer eus amigs am Pool gwidmet, wie sichs ghört, sünnele - bädele - sünnele - bädele (zwüschetdure mal no en Drink). Mir sind no go e Show gucken, Criss Angel (hihi, d Tickets sind gratis gsi, fraget eus aber nöd, wie mer zu dene Tickets cho sind J) Die Welt isch eifach chli, do hemmer doch per Zuefall no zwei reisendi Schmerkner troffe, wo mer bim Arschlöchle (Jassä) no grisse J händ ... am Abig hemmer doch grad dä Usgang und Pokertisch in Vegas mit ihne abchecket ... d Bar im RIO (Hotel) isch sensationell gsi, en bessere Usblick het mer nirgends, nid mal uf em Stratosphere Tower J Usgang - Erfolg gsi, da hemmer doch grad no müesse e Nacht verlängere, zwungenermasse J villicht gwünnemer däfür no es Auto, wer weiss ...

Grand Canyon / Monument Valley

Hüt hemmer eus vo Vegas uf dä Weg gmacht richtig Grand Canyon. Ich han en ja bereits scho eimal gseh, aber für d Fabi isch er neu gsi J hahaha ... es het ihre gfallä und het au no paar lustigi Faaarbeföteli gäh ... Dur dä Nationalpark gfahre und wiiter isch es gange richtig Monument Valley, was für Glückspilz sind au mir, mir händ grad no dä Sunneuntergang vertwütscht ... mega schön gsi ...

Ja und jetzt liegemer im Bett irgendwo i dä Wüesti usseund schriebet eu die Zeile, dass au ihr wieder mal chli was zum lese händ ... sind ja doch scho wieder 2 Wuche vergange.

Bis bald, Bye bye Fäbs & Fönsi