BACK IN LA

San Diego
nach eusem Trip i dä Bergä :) hemmer üs in San Diego niederla ... 1 Wuche Sun Fun and nothing to do ... but ... the weather hät eus chli en Strich dur d Rechnig gmacht und euses Portemonnaie und dä Platz im Koffer het müese liede ... janu, hemmer halt es Päckli heigschickt ... gat au so ...

aber mir händ natürlich nöd nur gshoppet, händ no vieli Sache aglueget ... mir händ dä Mexikaner über d Grenze gwunke, händ e tüüri Sightseeingtour gmacht und d Stadt uf eigeni Fust no erkundet ... zum Glück isch es am Namitag zwüschetdure doch au mal no schön gsi ... so sind mir doch no bizeli bruun worde (also d Miri schaffts au, bi Wolke en schmerzhafte Sunnebrand izfange, do söll no eine drus cho) ... dä Usgang hemmer au mal no erkundet ... mmmh, 10 Dollar für en Pitcher "Mai Thai", mir händ gmeint pro Drink, nei es isch ebe en Liter cho :) und dä bruunbränt Scott het doch na gmeint, Miri: nice hear Yvi: nice glasses ... und en ganz en komische betrunkene het gmeint, er werdi no en Fründ vo eus ... mir sind gflüchtet ... wo mer i dä Stadt selber mal in Usgang händ wele, hemmer gmerkt, mir sind OVERDRESSED ... die lüüt gönd ebe nöd i dä Kleider in Usgang, nei Unterwösch und Strapse und Mörder-Highheels langet däne ...

Santa Barbara
nach enre Wuche San Diego hemmer die wiiti Reis nach Santa Barbara ufgno ... mir händ es Motel gfunde, es uuuh billigs ... mmmh ja es isch au würklich billig gsi ... Miri het am liebste im Auto pfuset ... es het gstunke und hesch gar nöd dörfe umeluege und vorallem nüt am Bode liege la ... nach 2 Täg simmer froh gsi, händ mer chöne d Location wechsle ... endlich
Santa Barbara isch aber herzig, en Bsuech wert, s Wetter chönt eifach am Morge au scho chli besser si ... me seit me hät sit me alsme Jahrhundert kein so schlechte Summer gha wie dä :( genau wenn mir sind ... perfekt :(

Back in LA
in LA gnüssemer die letschtä 3 Days ... werdet eusi Täsche no drü viermal hii und her packe, bis alles passt und s gwicht stimmt :) für am DO hemmer aber no was speziells vor, mir gönd no es Baseballspiel vo dä DODGERS go luege ... chli Kultur schadet ja nöd ... lömmer eus überrasche

dänn sind für d Miri d Ferie leider scho finito ... für mi gats ja dän wiiter nach Vancouver ... do freu mi also scho riesig druf ...

Marianne ich chume :)

bye bye bis bald ... Schmatzi Yvi