Profile
Blog
Photos
Videos
Hola Gringos
Momentan hoeckle mer in Salta im Innehof vo eusem Hostel i zwei Opa-Schaukelstuehl und versueched d'Idrueck vo de letschte Wuche uf Papier zbringe. Mit eusem chline Auto (en VW Gol --> s'F fehlt offiziell) sind mer richtig Ande losduesed. Endlich hend mer mal lebigi Chueh gseh, nume so fuer s'Gwuesse, dass es sie au gid. D'Manu het di erste Lamas entdeckt und liebt sie lebendig, wie au uf em Teller...also das Gwicht wo mer in sechs Wuche Indie verlore hend, hend mer i 18 Taeg Argentinie wieder kompenziert oder mehhhh...!!
D'Strasse sind in Argentinie unglaublich. Maengisch super neu und teeret und denn ploetzlich Schotterstrasse kilometerlang. Fuer 47km hend mer mit dem chline Auto schnell mal 2,5 Stund brucht, ueber Bergpaess gfahre, wo 4300muM sind, Lamas oder Kueh uf de Strass, Bus wo entgege choemed....aber d'Ussicht isch immer super gsi. Berge mit allne Farbe und Forme, eifach ganz andersch als mirs kenned. Maengisch sind mer eigentlich fast de ganz Tag im Auto gsesse, da aber d'Landschaft so faszinierend isch, isch Ziit wie im Nu verbi. Zwuesched all dene riese Berge (hoechsti 6380muM) hend mer denn au no en grossi Salzwuesti gfunde. Zum Teil sind mer a Doerfli verbi gfahre, wo nume us eim Huesli bestande het. Mir hend eus scho ueberleid, dass mer au es eignigs Doerfli gruendet, de Name hend mer au scho "EL RUGITOS" und wenn mer denn mal gnueg Chind hend, gids denn au no en Fuessballclub. Vielleicht tuend mer ues denn au no es Chueli und es Lama zue.
Jedefalls sind d'Luet immer mega offe und fruendlich gsi...mer wird sogar ueberall vo fremde luet umarmt und abkuesst :-)
Nach ca. 2000km sind mer wieder zrugg in Salta und hend ueses Autoeli heil abgeh. Morn reised mer 24 Stund mit Bus (gspunnneeee!!) zu de Iguazufaell richtig Brasilie.
Liebi Gruessli
Manu & Ruego
- comments