Profile
Blog
Photos
Videos
Boa dia amigos!
Wie ihr gsend sind mer bereits in Brasilie acho und fliessig am portugiesisch lerne...hahaha!! Mit de Verstaendigung happerets gwaltig, mit englisch gaht gar nuet und miet spanisch sind mer kreativ und mer hend no Haend und Fuess :)
Nachere 24 stuendige Mammutbusreis simmer bi de laengst planete Attraktion vo uesere Reis acho (bereits bim Flueg bueche di hei hend mer scho gwuesst, dass mer dIguassufaell wend bsueche). DWasserfaell sind imene drue Laenderegg vo Argentinie, Brasilie und Paraguay. Die 275 Faell sind gigantisch und ohrebetaeubend (wortwoertlich). Mer chans gar ned beschriebe...lueged eifach dFoeteli a. Das mer sich das alles echli chann besser vorstelle, en chline Verglich: Pro Minute fluesst so viell Wasser, dass mer 36 olympischi Schwimmbaeder (50m lang / 25m breit) koennt fuelle. Uf denen Foeteli wo´s bewoelkt isch, sind mer uf de argentinische Siite und bid de Sunneschii Foeteli uf de brasilianische.
En wiiteri Attraktion uf de braslilianische Siite isch en riesige Staudamm (Itaipu Damm). De Stromer het denn bim Ruego duredruckt und dManu het muesse sgroeschte Energiewerk vo de Welt go aluege. Es isch riesig und gigantisch, doch leider isch die 2 stuendigi Fuehrig uf portugiesisch gsi...supi...Aber es paar wenigi Infos hend mer denn doch no ufgschnappt...Jedefalls het das so vill Eisen i dem Bauwerk, dass mer 380 Eifeltuerm ufstelle choennti (obwohl das de Franzose ned so wuer passe :) und mit em Beton, choennt mer 210 riesigi Fuessballstadion baue (was am Seppi Blatter wieder wuer gfalle). 80 Prozent vo ganz Paraguay und 20 Prozent vo ganz Brasilie wird mit de Energie vom Itaipu Staudamm versorgt. Es isch eis vo de tuerste Objekt uf de Welt, wo je baut worde isch...
Mit esse gahts im gliche Stil wiiter wie in Argentinie, wenn ned no schlimmer...am brasilianische Zmorgebueffet chann mer eifach ned widerstah. De Ruego isst scho zum sMorge vier Stueck Chueche...und Flan...es isch eifach so fein!!! Mer hends Busfahre in Brasilie au no welle usprobiere und hend mal en chuerzeri Busfahrt vo 14 Stund in Agriff gnah. Ja, de Standard isch gwalltig gsunke. De Bus isch mega alt gsi, gmuffed und en Servierduese hets au nuemme gha...vermuetlich waer dFahrt innerhalb vo 8 Stund moeglich gsi, aber mit all dem Chaos, zMorge- und zNachtesse, Luet a de Raststette vergesse etc. het halt alles echli laenger duret. Mer sind jedoch heil acho und goend die nochste paar Taeg in Dschungel go Caipirinha, aehhhh Piranha jage.
Besos
Manu & Ruego
- comments