Profile
Blog
Photos
Videos
S zug system in vietnam isch zimli luschtig…vor allem als tourist wönds di meh als lückebüesser bruche zum d cabines z fülle. Aber noch mehrmoligem nochfroge hend mirs denn doch gschafft äs ticket z becho für alli vier im gliche abteil (mit 2 locals). D fahrt isch ganz oke xi…platz gnueg und will mir nonig müed xi sind, hend üs di beide dutch people äs chartespiili zeiget wo no luschtig xi isch…än art chrüzig vo jasse und lügerlis (or also called bulls***).
acho in Lao cai isch wiiter gange mitmne bus füre stund noch Sa pa. S isch zimli bewölkt und nass xi. han mir drum grad direkt a north face jacke kauft än zimli guete fake (siehe fotos)…mini alt jacke hät nämli usdient das isch klar worde letschte fritig ufm trip zu dä parfume pagoda.
alli parat und sogar üsn kolleg vo dä CH, wo mir in hanoi am vorobig no xeh hend, troffe…sind mir füfte höch mitm moped richtig silver waterfall. I han mir säge loh dass zimli schlechti strosse verhältnis sind und bin drum öpertem hinedruf gsesse. Dä ganzi moped trip am suntig isch super abwechsligsriich xi…nöd nur was alles zxeh xi isch, au s wetter. Sprich mir sind id höchi ufe und s hät gregnet wiä…it was raining cats and dogs!! …ca. 15km wiiter isch wieder super strahlendi sune xi und viil zwarm mit dä regejacke! Also alles wo nass worde isch, isch wieder trocknet…leider häts denn ufm haiweg wieder gregnet J somit allover wet again.
noch xundem schlof i bequeme bett und binere humane ziit ufgwacht…sind mir alli happy xi d sune scho durs fenster zxeh bevor mir überhaupt usm bett cho sind. So hend mir di ganzi pracht vo Sa pa und dä landschaft chöne erlebe und au no biz ufm markt go umeschlendere. U herzig di iheimische fraue alli traditionell kleidet (Hmong) und hend viili chlini handmade souvenirs zverchaufe woni nöd ha chöne widerstoh J
am nomittag sind mir zrugg noch Lao cai und hend no än blick uf di chinesischi grenze gworfe bevor mir mit zug zrugg sind noch Hanoi.
Wake up at 4.30am zug isch acho und mir hend churz ä duschi chöne gnüüsse bevor mir mitm bus wiiter noch halong city gfahre sind. Damol hät au alles klapet und mir sind scho gli ufm boot = junk xi. hät feins esse geh und än super mix vo verschiedene lüt und länder. Acho i halong bay hend mir chöne vom boot gumpe ca. 10m und üs chli im wasser abchüehle. Spöter ischs wiitergange mitere gfüehrte kayak tour wunderschö…so hend mir au di iheimische uf ihrne schwimmende boot xeh. Und zuäsätzlich häts no ä chlini wanderpartie geh inere höhli…naja chli strub xi und teilwiis chli schlipfrig.
Noch einere nacht ufm boot sind mir abgholt worde für ein tag und nacht ufere cast away island J da isch bis etz glaubs mis highlight xi. mer hät alles chöne mache vo tubing zu wakeboarde über chlettere oder eifach bädele, buech lese, feder bälälä… was mer grad luscht ka hät. Gschlofe hät mer inere art überdachte liegewiise :D bin so froh xi häts kei moskitos ka…däfür hani sus was ufgfange wo wiä än uschlag usxeh (am arm) aber zum glück nöd biesst…somit xehts eifach chli strub us und tue mol abwarte!
Am donnschtig isch denn dä rückreisetag xi vo Halong bay to Halong city to Hanoi.
Zrugg in hanoi vom halong bay trip…heissts für mi umpacke und d wösch abhole und direkt wiiter mitm bus (14h) über nacht noch Hue. Han mirs unbequemer vorgstellt somit ganz zfriide. Han sogar biz chöne schlofe währed dä fahrt.
Sind denn am fritig in Hue am nüni am morge direkt vorm backpacker acho. Direkt nebedm backpacker gebäude stoht än art ruine vomne hotel wo sie scho ca. 9monat dra arbeitet sie zertrümmere…diä info hend mir aber nonig ka als plötzlich än riisige chlapf tue hät und alli vo dä stross gsprunge sind, will niemert isch so richtig kapiert hät was lso isch.
Noch check-in undere wohltuende dringend nötige duschi sind mir go d stadt erkunde. D cyclo driver sind do wiä stalker…mir hend sightseeing zfuess gmacht und diä sind üs bis zum restaurant gfolgt und hend sogar gwartet bis mir fertig gesse hend…wo mir nochher nomol mit ‚Không'-No-Nein uf ihres penetrants froge gantwortet hend, hends denn locker loh und sind dävo gfahre.
Noch dä super feine mahlziit sind mir denn gstärkt d kaiserstadt vo Hue go besichtige inkl. dä verbotene purpur-stadt. Sind wunderschöni gebäude und mer hät eifach mol chöne anähocke und chli abecho vo dem ganze grossstadt verchehr und lärm. Viil meh hend mir nöd tue somit zrugg is hostel zum chli relaxe und sich selber chli upzdate mit news.
hüt morge spiilt s wetter leider nöd so mit und i werd etz glich dä bus neh wiiter noch Hoi An und nöd dä easyrider…evt klapets spöter no mit mim biketrip ;)
Was gits neus us dä schwiiz? Hendr alli d OLMA überlebt? Oder ischs äfang s erschte wkend??
So long oli…or new Liv!!
- comments