Profile
Blog
Photos
Videos
Back again! So etz ischs scho ä ganzi wuche woni mi in hanoi ufhalte und äs isch scho sooo viil passiert. Fange eifach mol am afang a und git sicher immer wieder grösseri gümp zwüsched mine gedanke ;)
Letschte mentig hani chli sightseeing gmacht in hanoi selber und viili muetprobe bestande woni d strosse krüzt han…wills würkli so extrem viili mopeds hät und dä verchehr isch ä grosses organisierts chaos J für ä längeri strecki hanis denn aber doch gwogt für eimol hine ufmne moped mitzfahre. Noch biz handle is denn los gange und ha eis zwei mol um mis lebe bangt…ha denn au gmeint äs fangi grad a regne aber min moped-driver hät chli ä feuchti ussproch ka L…also eimol und nie meh will i ha jo no ä langi schöni reis vor mir! Aschlüssend bini ine agentur zum min halong bay trip z bueche.
Los gange isch dä trip um 8AM nochhere vierhalbstündige fahrt (min viile schlaglöcher und lebensgföhrliche überholmanöver) sind mir in halong bay acho. S isch zimli bedeckt xi und hät biz agfange regele. Di ganz gruppe isch u gspannt xi ufs boot und di ganze nögste drü täg…leider ischs nöd däzuä cho. D guides hend gmeint s wetter segi schlecht und überhaupt hegedszwenig boot. Noch lange diskussione und wuet sind mir denn wohl oder übel wieder 4.5h zrugg L…öpis guets am ganze minivan day häts denn doch ka. Ha viili liebi lüt kenne glernt…mit dene hani denn au di nögste täg verbrocht.
Zrugg in hanoi sind mir am nögste tag zu därä agentur um üses geld zrugg zfordere. Und siehe da dä typ isch nüme ume xi!! um nöd dä ganzi tag versaut zha sind mir am obig mitm localbus noch ninh binh…ca. 3h südlich vo hanoi. Döt acho ischs au wieder obig xi und mir hend no üsn nögste tag organisiert. Do s wetter immer no schlecht xi isch (mir sind halt grad no am endi vo dä monsun ziit…also viil rege!) häts kei mopeds geh fü üs sondern hend dä trip noch tam coc und hoa lu mitne privat büssli gmacht inkl. Driver. Acho in tam coc häts än super schöne taxi-boot-drive geh (siehe bilder) und in hoa lua, dä alte hauptstadt vo vietnam, einigi tempel. Am gliche tag ischs wieder zrugg gange noch hanoi und dos dä letschti obig xi isch vo füfne vo üsere sibner gruppe…big party.
Freitag…einä vo üsere sibner gruppe isch ebefalls in hanoi blibe (he's called Mubine from England). Obwohls immer no gregnet hät, hend mir üs uf dä weg gmacht d parfume padagod go aluege…isch ä wiiteri bus fahrt xi…sind denn au mitm boot taxi wiiter gfahre und hend än grosse tempelkomplex xeh inkl. Tempel inere höhli! Trotz regeschutz und pellerine isch mer doch plitschplatsch nass worde bis zum schluss. Drum zimli kaputt hend mir üs hüt än day off gno…hend mir zwei wiitere Dion und Rose dä zug buecht für sa pa…was mir idä nögschte drü täg mache und wiiters nomol, aber damol über s hostel (isch zwar biz türer), halong bay 3days 2nights…soooo jo meh hani i dem moment nöd z verzelle J lueged eu d bildli a und meh giz ca inere wuche.
Ah jo und mer cha do echt super fein esse und gmüetlich übernachte und git nöd würkli meh als 15dollar pro tag us! Alles isch soooo billig! I werd problem ha mit umdenke wenni denn wiiter noch australie gang J
So long olivia
- comments