Profile
Blog
Photos
Videos
Di letschte 20täg woni im wunderschöne New Zealand verbrocht han probieri eu do chli nöchher zbringe.
Welllington d hauptstadt vo NZ.. woni acho bin ischs grau, regnerisch und windig xi. Am ussichtspunkt, wo üs üsn busfahrer churz uselohhät fürn fotistopp, häts somit nix zxeh geh (bin denn bi schönem wetter nomol uf dä hügel ufegrennt und han mir äs touriföteli eroberet). Acho bini gnau gno am Mittwoch 1.Februar und wasi do nonig gwüsst han, di ganzi stadt isch sich am vorbereite xi fürn usnahmezuestand ufs wuchenend hi.. auch genannt Rugby Sevens! So hät sich denn au scho s eint oder andere problem für mi akündiget wo ‚Unterkunft' heisst. Äs isch nämli alles total usbuechet xi und do i nöd han wölle äs vermöge däfür usgeh hani mi scho dämit abgfunde scho gli wiiter zreise und somit di gross party zverpasse. A mim ‚letschte' obig hani mi denn mit drü engländer (steve, steve and tom) troffe woni vom reise in Australie kenn.. diä sind au än mitgrund xi wieso i zu genau derä ziit in wellington xi bin.. zum nomol aständig adieu zsägä (zwei gönd nämli für ganzi zwei johr noch australie go arbeite mitm workingvisa). Diä drü hends mir denn schlussendli au ermöglicht dassi glich no ha chöne übers wuchenend blibe. Sie hend sitere wuche imne sharehouse gwohnt und hend dä bsitzer gfroget öbs irgendwie möglich wör mi au no underzbringe.. tadaaa!.. somit hani min bus umbuechet und bin tifig inen kostümlade um mi izchleide. Dos anschiinend tradition isch dass mer verchleidet ad Rugby Sevens goht. Ich glückspilz hans denn au no irgendwie gschafft dassi für beidi Rugby täg än freiitritt becho han und somit ä riise fescht mit super liebe geniale lüt! Unvergesslich! Unvergesslich sind au di 6h ufm notfall, willi inen glasscherbe gstande bin, aber halb so schlimm.. mir gohts beschtens und isch au alles scho wieder verheilt. Nochm Rugby und zwei wiitere entspannte erholigstäg in Wellington hanimi denn uf direktem weg richtig Auckland gmacht.
Han Auckland scho zwei mol krüzt aber immer nur für ei nacht zum irgendwo wiiterzreise. Bin somit bizeli idä stadt im norde blibe und ha mi vo kiwis umefüehre loh woni ade Rugby Sevens kenne glernt han. Chas nur eimol meh sägä.. di Iheimische do sind eifach di beschte und helfed wos nur chönd!
Do i aber no paar täg in NZ zverplane ka han, hani mi entschiide no ä stückli nördlicher zgo noch Bay of islands. Was doch sehr noch strand und sune tönt. Sune häts definitiv ka zwüschet ab und zue regetäg ohni unterbruch, aber d stränd sind zimli grüen usgfalle. Was aber nöd söll heisse dass äs nöd schön xi isch. Speziell isch au än tagesusflug xi zum Cape Reigna.. ä fahrt mitm bus am 90miles Beach entlang (obwohler in echt chürzer isch!).. sandboarding! Sehr kuul und guets training d sanddüne duruf.. und zum schluss no ganz nördlich am Cape än schöne lüchtturm.
Für s letschte wuchenend in NZ hend mi denn d Auckländer nomol verplant und mi anes chliners festival in Devenport mitgno. Was ganz witzig xi isch chli openair musig und nomol alli zxeh bevors denn mitm flugi 10h noch LA und 4.5h noch Miami gange isch.
Au zimli schräg xi.. wege dä ziitverschiebig bini am 20.feb am 3pm uf dä flugi und in LA bini uf min aschlussflug am warte xi und äs isch 20.feb 7am xi. sozsägä hani ein tag zwei mol glebt J was mir au klar isch dassi dä bim haiflüge verlüre wird. Aber isch glich än glatte gedanke! Jo und etz höckli am Miami Beach Ocean Drive imne hostel mit knappem meerblick. Jupiduu. So wiit so guet meh gits entweder i zwei wuche oder denn i vier wenni söt in züri acho J oli
- comments