Profile
Blog
Photos
Videos
Oléé mir hei mal wieder ä Nachtbus hinderüs, 10h vo Arequipa nach Nasca, diesmal heimer guet gschlafe, dank dä Drinks ir Rooftopbar. Mä muess sech halt z Hälfe wüsse ;-) D Zimmer im Hotel si oscho parat gsi, aber o hie simer nid ga liege. Mir hei ä 30 Minütige Flug über d Nasca Linie gmacht. Das isch rächt interessant gsi aber äs het üs o ufe Mage gschlage, eini vö sächs Wiiber hetsech nachem Flug müesse ga übergäh, keni vo üs zum Glück. Der Wiehnachtsabe heimer mitere Poolparty, Trinkspieli u natürlech mit dä Wichtelgschenk verbracht, sehr amüsant gsi :-) Aja u üses z Nacht heisi ca. 4h under der Ärde gwermt uner heimer chönne luege wiesis usgrabe, das sig sone Tradition :-) Der Wiehnachtstag heimer mit Busfahre nach Paracas verbracht aber mit vielne Stopps ;-) Bim Hotel Oasis simer ir Wüesti Huacachina ga Sandboarde, äs isch eher es Sand-Slide gsi aber het anders gfägt vorallem mit dene Outos idene Sanddühnene umeflitze u dernah simer ga Winetaste aber es het eher meh Pisco gä wo Wii, aber es war süpergüet.
- comments