Profile
Blog
Photos
Videos
Die 7h Busfahrt vo Puno nach Cusco isch ribigslos gloffe u es isch der bequemst Bus gsi bis izä u mir hei so gar Wlan ka. Es het üs selber verblüfft, Luxus pur hie in Peru, gefällt uns ;-) Da eini vor Gruppe Geburi het ka, simer natürlech nid ga liege sondern ga feste. Z Getränk Pisco Sour (Troubeschnapscocktail) hets üs gad sofort a ta, hennä fein! Mir hei z Nachtlebe vo Cusco under d Lupe gno u si imene Salsa Club glandet, Happy Hour isch hie die ganzi Nacht gsi, gloub meh muessmä da derzue nid sägä ;-) Party Animals. Was chame in Cusco so undernäh? Hie die Sache wo mir hei gmacht: - River Rafting (mitemne Kater, nid Muskelkater) Nach üsere Partynacht simer ga River rafte, es isch liecht bewölkt u chalt gsi aber mir si nid abkaltet u voll dri :-). Mir hei alli ä superschöni Usrüschtig becho uner ischs losgange, insgesamt simer 2h lang ufem Wasser gsi in voller Action - es het riiise Spass gmacht u es isch de nid z underschezä, mir hei nämlech ner der gröscht Muskelkater von Läbe ka. Also so gseit 2 Kater a eim Tag ;-) Aja uz ganze het nur 44 Franke kostet inkl. z Mittagässä. - 4 Days Inka Trail to Machu Picchu (meh da derzue im nägschte Bitrag) - Rainbow Mountain (neue Hilke sit März 2016) Hie simer am Morge am 03:50 abgholt worde ner simer afa eis 3h Bus gfahre - aschliessend hets z Morgä gä, ner ischs los gange...3h bärguf wandere u das bis 5100 M.ü.M, mir si fasch krepiert wüllmer dä Hike gad nachem Inka Trail gmacht hei, aber es lohntsech mega! Mir chöis jedem empfähle, eifach hammer! - Manicure Nach all däm Wandere heimer üs mal wieder suberi Negel gönnt u das zum Pris vo 4.50 CHF - herrlech Froue. Cusco isch ä schöni Stadt u falls der Mal da häre göt, nämetnech gnueg Zyt :-)
- comments