Profile
Blog
Photos
Videos
milesandsmileys
Mir si zu dä gliche Konditione vo Maui wieder zrug nach Oahu gfloge u diesmal si mir aber ines anders Hostel am Waikiki Beach gange ;-). Mir hei no 1 Tag z Dritt chönne verbringe u när hei mir üs leider scho wieder vor Danja müesse verabschiede, die zwöi Wuche si iz sehr schnell verbii gange. Äjj, die Zeit läuft. Mir hei när no 2 Täg in Honolulu ka u hei üs no sportlech betätiget, mir hei dr Koko Head Krater Hike gmacht u dä isch bir Ostsite vor Maunalua Bucht in Oahu. Mä cha gäbig mitem Bus zum Start vom Hike ga (Kai) u när geits ca. 45 min ufwärts u das mit so blöde Stägetritte resp. äs si alti Isebahnschwellene (1048 um genau z sii). Diesmal hei mir dr Hike am 09:45 Uhr gstartet u si glich fasch vergange, es isch also o scho den putzmorä heiss. Äs isch intensiv, aber äs lohnt sech würklech, vo obe het mä ä wunderschöni Ussicht u das i jedi Richtig. Mä gseht Waikiki, Diamond Head, ganz Honolulu u dr Hanauma Bay und uf dr andere Site gseht mä dr Sandy Beach - eifach fantastisch. Ga lädele u bädele si mir ner natürlech o no Mal gange u zum Abschluss si mir mitem Hostel no dr Sunneufgang ga luege u ja das wärs öpe so. :-) Mahalo Hawaii, schön wars. Aloha & bis zum nächsten Mal.
- comments