Profile
Blog
Photos
Videos
Am 5i het de Wecker gschellet und mir hend eus uf de Weg zum Busbahnhof gmacht. Mir hend s'Ticket muesse bestaetige loh (was do ueblich isch). Zum Glueck simer die erschte gsi, will nocher hets mega viel Luet gha. Mir hend eus no schnell mit Esse und Trinke ideckt und hend ersch nocher gseh, das me das gar noed in Bus doerf ine neh. Schnell hemer d'Getraenk gleert und s'Esse unter de Jesus-Decki versteckt. Im Car ine isches wie immer sehr chalt gsi und mi chans sich scho denke: zum Glueck hemer eusi Decki gha, will die Fahrt isch 6 Stunde gange. Endlich bi de Faehre acho, hemer 3 Stund muesse astoh und 4i Faehre isch bis den usbueched gsi! Die negschti isch leider ersch am 8i gfahre. Will mer ueberhaupt kae Luscht gha hend zum scho wieder warte, hemer eus versuecht id 4i Faehre ine z'schmuggle. Bi de erschte Ticket Kontrolle simer mit eusem falsche Billet dure cho, bi de zweite hets leider noed klapped (die hinder eus hends au probiert). Die 4 Stunde Warteziit hemer eus mit Internet-Kafi sueche und Blog schriebe vertriebe. Zudem hemer no de Bus und d'Faehre fuer de Rueckweg bueched. Ploetzlich isch d'Ziit knapp worde und mir hend schnell es Taxi oder en Bus an Hafe brucht. Es het zwor immer Taxis ume aber genau den hets keis ume gha. Wo en chline leere Bus ane gfahre cho isch, hemer wild gwunke und sind id Stross ine gloffe. Er het eus den mitgnoh, wills uf sim Weg glege isch (isch glaubs nueme im Dienscht gsi) und er het eus gratis gfahre!:-) Glueck gha! Womer vor de Faehre eusi Tickets zeiged hend, meint die Frau das mir die no bestaetige loh muend (mir hend das bis eze nur vom Bus kennt und kae Info becho). D'Ziit isch knapp gsi drum hemer schnell muesse zrug renne und das no norhole. Noch 5.5 Stunde simer den au endlich z'Nacht am halbi 2 uf de Isla Margarita acho. En Bus hets natuerlich keine gha und e grossi Menschemengi het ufs Taxi gwartet. Noch langem warte hemer den zum Glueck mitemne aeltere Ehepaar es Taxi choene teile und hend sogar dank em nette Taxifahrer schnell es freis Hotel gfunde. Im Hotel Patrick simer tod mued grad is Bett.
- comments