Profile
Blog
Photos
Videos
Entsprechend mine Schlafduur dur dNacht hani ersch am 10ni uschegget und min Morge miteme Kafi versüesst. Natürli hani agfange mich wie blöd uf das Bewerbigsgspröch vorbereite. Ich bin fasch verzwiflet. Denn mit em Shinkansen bis nach Osaka und in Namba abgstige. SHotel isch es Businesshotel und ich han demit grechnet, dass es Wifi het. Leider nur LAN und mis Gepäck mit em Laptop isch irgendwo underwegs daane. Also bini ines Kafi vo minere Lieblingschetti, wo meischtens au sInternet het. Leider isch das gnau i dem Kafi nöd de Fall gsi. Ich han denn versuecht es 6-Stund-Paket zposchte, aber es het nöd recht welä funktioniere. Nachere Stund umeprobiere hanis ufgä und bin is Starbucks. De Kafi det passt mer gar nöd und dWiehnachtsmusigg isch teilwiis au zvill. Aber was sölls. Endli hani Internet und han wenig spöter au no chönne alles mit em Mami per Skype durega. Irgendwänn hämmer au das gschafft und ich bin retour is Hotel, berieslet vondere wunderschön, schrecklich farbige Wiehnachtsbelüchtig.
Zug/ U-Bahn: 574km
- comments