Profile
Blog
Photos
Videos
Das Gepäck söll nach Kyoto gschickt werde. Die letscht Adventswuche wirdi denn de usruume und mit Souvenir fülle=)
Nacheme Kafi isches mit em Shinkansen bis nach Shizuoka gange, e Stadt zwüschet Tokyo und Nagoya. Vo det miteme Fujikawa-Zug zwei Stund dur dBerge gschlänglet. Verbii am Fuji. Leider hanen chum gseh, da ich uf de falsche Siite ghocket bin. Aber es isch au susch e gmüetlichi Fahrt gsi. Es het da einigi chlini Felder voll Hecke-artigi Pflanze gha. Ich nimm a, dass das Tee isch. Bis zur Endstation Kofu bini duregfahre, nei nöd das in Griecheland. Kofu schiint es schös Plätzli zsii und ich bin positiv überrascht. Wahrschinli het mi au die Berglandschaft a Dehei erinneret. DBerge da sind nämli oft felsig und nöd ganz vo Wald überwucheret. DStadt het 200000 Iwohnr.
In Kofu schlafi ime Hostel, dass kürzlich davor ufgmacht het. Imene alte, schöne Gebäude. Vills isch ersch provisorisch, aber das stört keis bizzeli.
( Irgendwie nächli churz de hütig Bricht, aber mag mi nöd a öppis spektakulärs erinnere)
ZFuess: 5.4km, 7500, Zug 655km
- comments