Profile
Blog
Photos
Videos
28.02 - 02.03.2013 Los Angeles / Hollywood
Am letschte Februartag zobig spot beni weder zrugg nach Honolulu gfloge und woni wederum im Stadtteil Waikiki es Hostel gah han. Am 1 März beni chli en fuhle Sich gsi, ächli am Strand ghängt, dur Stadt gschländeret und no zum internationale Marketplace gange. Ben aber sit Raglan nie meh so lang im Wasser gsi wie a dem Tag. Am morge frühe weder rechtig Flughafe und den ab nach Los Angeles. Bem istige bem Flüger hani so schlemmste befürchtet, näbe mer e Mueter med em Baby. Ich han eifach ghofft das ned nomol e so en Flug wert wie de vo Hong Kong nach Auckland. Dasch zum Glück au ned de fall gsi und so beni med de United Airlines guet in Los Angeles glanded. Vomne Feriestrand Gfühl id Millionecity Los Angeles. Nachher med em Shuttel und de Metro dur Stadt dure bes nach Hollywood. Wie mers kennt Stau Stau Stau uf de Strasse LA`s. S`Hostel esch zmitzt im ganze Chueche vo Hollywood also direkt a de Walk of Fame. Rächt verrückte Platz do med dene Strassekünstler, farbige Liechter, vellne Lüüt, Limousinene, verchleidete Lüüt (Badman, Captain Jack Sparrow, Iron Man,…),…. Aber bin no gspannt was mech no alles in LA erwartet, well vell wo scho do gsi send händ meistens gseit das zemli entüscht LA verloh händ. Gruess us em verrückte Hollywood
- comments