Velkomin á þessa bloggsíðu okkar! :) Við ætlum að reyna vera duglegar að henda inn bloggum og aðallega myndum á meðan við erum í þessu ferðalagi okkar.

Það er mæting upp á Keflavíkurflugvöll eldsnemma í fyrramálið þar sem við byrjum á flugi til Helsinki og förum þaðan til Peking. Við eigum að lenda 06:55 í Peking á miðvikudagsmorguninn og verðum þar í 2 daga. Þaðan fljúgum við til Guilin þar sem við verðum í 2 vikur í litlum bæ rétt hjá, Fengyan, í sjálfboðaliðastarfi.

Þann 13. júlí höldum við svo til Hong Kong þar sem við gistum í eina nótt áður en við fljúgum til Balí. En við verðum þar í 2 vikur í bæ sem heitir Ubud, einnig í sjálfboðaliðastarfi.

Svo eigum við flug til Jóhannesborgar í Suður Afríku þann 30 júlí þar sem við verður tvær vikur að vinna í þjóðgarði, kwa madwala private game reserve. Þaðan förum við með BazBuz rútu til Höfðaborgar (Cape Town) og verðum í tvær vikur þar í sjálfboðaliðastarfi.

Þann 3 september ljúkum við svo þessu ferðalagi og höldum heim til Íslands og verðum lentar á Keflavíkurflugvelli rétt fyrir miðnætti 4 september ef allt gengur eftir óskum :)

Spennan er í hámarki og við ætlum að reyna vera duglegar að uppfæra síðuna, sérstaklega mynda partinn fyrir ykkur heima.