Profile
Blog
Photos
Videos
Scho gli isch min erste reisemonet verbi. Und eine vo mine grosse vorhabe hani scho umgsetzt.. Kitesurfing at Mui Ne Beach! Mui Ne isch eifach än traum.. bin 4.5tag do blibe. Min tagesablauf hät in etwa so usxeh: noch gstelltem wecker und viil sunecreme an strand abe (isch ca. 15m vo üsm zimmer entfernt x) am strand entlang ines kafi/resti (super für zmorge, zmittag, znacht J).. usgibig zmorge gesse (siehe foto) für knapp 3 dollar. D chind wo serviert hend, hend eim amigs richtig agähnet wills früeh am morge xi isch und so ischs verständlicherwiis au ab und zue zu verwechslige cho mit dä bstellig wills no halbe am schlofe xi sind ;).. zwüsched dem kafi und üsm backpackerresort isch d kiteschuel xi (also 2x umkeihe und mer isch bim zmorge, 1x zrugg umkeihe und mer isch idä kiteschuel!!). meistens hend mir so uf di zehni am morge abgmacht und hend denn aber no chli mösse abwarte bis dä wind au bruchbar xi isch. Üsn kite instruktor (Drew vo Wales, scho sit 2005 in Mui Ne) isch super xi.. sini erklärige und tips und dä ganzi ufbau.. chani nur wiiterempfehle! So sind mir denn dä halbi tag am strand xi oder im wasser.. (am letschte tag in Mui Ne sprich mini letscht kitesurfstund.. häts denn sogar scho klapet einigi meter zfahre!) nochm kite undere usgibige chalte duschi sind denn amigs alli vom backpacker zämä go esse. super feine seafood direkt ade stross und direkt am meer.. dä fisch, frosch, chrebs, kobra oder was au immer häsch wölle esse, häsch dir chöne selber uslese :) also nöd nur s esse isch genial xi sondern au d atmosphäre. Meistens sind mir direkt i ‚üsi' bar ‚pogo bar'.. hät zwei billiard tisch, hängemattene und wiä chönts au anderst si.. äs isch direkt am meer. Vo dä 3x mol wo mir im pogo xi sind, häts 2x än stromusfall geh ;)..
da isch so dä allgemeini tagesablauf xi. eimol hend mir denn no mopeds gmietet und sind di wiise düne chli usserhalb go aluege.. will mir üs biz verfahre hend, hend mir nur mit viil glück no dä suneundergang chöne gnüsse!
Am Mittwoch hend mir denn üses chline Paradies verloh und sind wiiters richtig Ho Chi Minh City greist mitm bus.
HCMC isch zimli ähnlich wiä Hanoi.. viil verchehr und zimli luut. Drum sind mir au nöd würkli lang do blibe. Eigentli nur än tagestrip zu dä Cu Chi Tunnels gmacht. So viil erfahre über d chriegsziit und wiä schlau d vietnamese xi sind.Noch zwei nächt, 1x manicure und 1x pedicure isch wiiter gange mitm bus richtig kambodscha.
D grenzüberschriitig vo vietnam noch kambodscha isch ohni umständ über d bühni. Mini extra fürs Visa gmachte föteli (in Da lat) sind nöd mol brucht worde.. nur 25dollar.. zwei mol ustsiige, pass vorwiise, wieder istiige und eimol temperatur neh (chunt eim chli komisch inä).. und schwubs isch mer imne andere land. Mini reisekompane vo dä letschte täg (Kelsey, Thom, Jon) sind mit noch Phnom Phen gfahre und etz aber wiiters in süde greist und für mi heissts vier stund wiiters noch Siem Reap woni uf lüt treff woni in Hanoi kenne glernt han.
Byebye Vietnam, Hello Cambodia!
- comments