Profile
Blog
Photos
Videos
halli hallo.. jepa mi gits no. ihr werded wahrschindli alli langsam aber sicher richtig wiehnachtsfeeling go.. am obig dunklets fruehner und temperatur wird au um einigi grad abekeit si. vom erschte schnee hani ghoert und dae bachofe mit dae feine warme guetzli vermissi etz scho. bi mir xehts so us.. strahlendi sune, 30grad, aen frucht smoothie, viili liiter sunecreme, goon (australische wiiswii) und viili neui luet wo au alli eifach s lebe am gnuesse sind.
wiae ihr wuessed hani vor guet einere wuche mini reis im asisatische part abgschlosse und bin zu dae aussies gfloge. vo bangkok noch melbourne. churzes powersightseeing. i mit churze hose underwegs und s wetter haet grad zimli kehrt ka und isch grad nur no 10grad warm xi. spoeter hani denn au no live erlebt wieso mer sait: "melbourne four seasons in one day!".. vo chalt zu rege zu enorm meh rege zu sune und warm bruchts mengmol noed meh als grad mol 30 minute. am nomittag haet mi denn dae matt woni in thailand kenne glernt han chli umechauffiert und mir di schoene ecke vo melbourne zeiget. mega lieb han i sim huus (inkl. eignem billiard tisch) doerfe uebernachte und er haet mi am morge am fuefi zum flughafe brocht. wow da isch service! er isch aen polizischt und haet gmeint er hegi flexibli arbeitsziite und zumne bsuech idae schwiiz saegi er au noed nai.
in cairns acho.. hani mi denn au grad dra gmacht min ganze australietrip aes biz zplane, do i vor han wiehnacht und neujohr in sydney zsi und somit alli andere taeg chli grob plant han.. oder meh wasi unbedingt will xeh.
agfange hani mitere schnorcheltour im great barrier reef.. WOW.. ha glaubs no nie so viil farbigi fisch und koralle xeh. evt mol im zoo aber da isch definitiv oepis anders. han denn am schluss aen wunderschoene abdruck vo dae taucherbrille ka. zum glueck hani s boot noed verpasst amm morge, will zerst bini vo mim hostel mit dae falsche gruppe mit glaufe bin ;)
Dä zweiti trip woni vo Cairns us gmacht han, isch in Wooroonooran Nationalpark gange (kei ahnig wie mer das söt usspreche sprich betone). Dä guide isch zimli witzig xi hät ufm ganze 12h trip glaubs kei einzigs mol ufghört z schwätze. Au wenn ihm rein gar niemert zueglost hät, hät er wiiter irgendwas verzellt und monolög gführt. Hät super entertainment (dance moves zum jewiilige song, U-turns gsammlet.. sprich mir sind öpe ä zuäsatz strecki gfahre, etc.) gmacht zwüsched dä verschiedene hält sodass nie langwiilig worde isch. Xeh hend mir ä stuck regewald mit sine bewohner.. verschiedenschti wasserfäll und än see imne vulkankrater. Somit viil natur und mehreri abchüehlige im chüehle nass!!
Bevors denn wiiter gange isch mitm bus in süde (eigentli hani mitm nachtbus wölle go will d fahrt a di 12h goht, aber dä isch leider scho us buecht xi somit hani di tolli fahrt am tag gmacht mit viil viil schlof) hani mir än tag offe bhalte fü diversi sache.. wiä zum bispiil kontaktlinse poschte. Do d australierer anschiinend chli übervorsichtig sind, hends mir kei wölle verchaufe bevori nöd än augetest gmacht han (dä choschtet 95$ wenni denn öpis chauf gebeds än für 30$) und noch dem test hät er mir kei monetlinse wölle geh will er gmeint hät mis aug segi zgross (hani no niä ghört idä CH dassi überdurchschnittlich grossi söll ha..) und do i würkli neui brucht han, hani mi denn halt für di tüüre tageslinse entschiide.
siiti in australie acho bin hani scho unmenge geld brucht chunts mir vor.. klar ischs tüürer als in asie dass hani au erwartet, aber für äs wasser zahlsch do bombastischi 3.- (im supermarkt) au d wösch chasch nüm so easy eifach abgeh und suber wieder empfange meh do it yourself and pay a lot! Aber wöt mi jo nöd beklage isch etz so richtigs backpacker lebe und oft chochsch dir selber öpis idä chuchi vom hostel.
Wiiter im süde isch dä nögschti stopp Airlie Beach xi.. wo so meh oder weniger tür zu dä White Sunday Islands isch. Grüschtet mit 4liter Goon (dä billigschti wiiswii wod in australie findsch.. nöd mol so schlecht!), bikini und unmenge vo sunecreme hani mi denn uf gmacht zu mim 2tages 2nächte trip zu dä insle. Ufm boot sind 25lüt xi plus 3type wo d crew dargstellt hend (än choch, än skipper und än tauchlehrer) alli zämä zwüsched 20 und 30. S boot isch denn am mittag abgfahre und mir hend als erschts ghört.. mir heged extrem glück mitm wetter. D tour vor üs hegi 3tag rege ka. (mir hend schlussendli kein einzige tropfe xeh).
d highlights uf dä tour sind xi: ..am erschte obig hät sich än delfin ca. 3h um üses boot ufghalte!! ..bim schnorchle häts a riise gruppe vo chline fisch ka wo inere formation gschwumme sind, häsch chöne durs dure schwimme und sie hend sich hinder dir wieder gfunde (wie im TV ufmne natur programm)! ..und nöd z vergesse dä idrücklichi White Haven Beach..eifach nur WOW..no niä so öpis wunderschös xeh..dä perfekti strand und verschidenschti sandbänk.
wer mol noch australie goht: Don't miss it!! Und alli wo scho mol xi sind werded mir zuestimme.
Wiiter gohts mitm nachtbus 14h meh in süde richtig Rainbow Beach vo wo mir denn dä Fraser Island trip werded mache.
Viili liebi wiehnachtlichi grüessli und ä grosses HOHOHO.. oli
- comments