Profile
Blog
Photos
Videos
Acho in Rainbow Beach sind mir (Charlotte und i) grad mol chli enttüscht xi vom wetter.. bewölkt und au biz rege. Also nix mit strand. Aber eigentli isch da au nur än halt xi um uf üsn fraser island trip zgo. Nochmne ischüchternde briefing (bzgl vorsichtsmassnahme etc. .. mer dörf kein schritt is meer wege dä strömig und dä haie.. und viili sätz hend bispiil vo umfäll enthalte oder das mer für schäde adä jeeps selber muess uf cho) ischs denn früeh am morge losgange. Vier vollpackti jeeps richtig fraser.. di weltwiit gröschti sandinsle. Übernachtet hend mir i zelt und kochet ufmne chline gasherd. Mir sind jewiils gruppe vo acht persone xi und hend üs chochtechnisch selber mösse organisiere.. abgwäsche isch am strand worde.. beobachtet vo wilde dingos J. Noch dem mir den üses camp ufbaut ka hend sind hend mir mitm sightseeing uf dä insle agfange. So sind vier jeeps inere formation vonere caravane (do möchti än gruess a mini biarritz caravane schicke!) am strand entlang gfahre. Erste halt ischn see xi.. ‚lake mckenzie' oder au blau.. blauer.. lake mckenzie am nögste tag ischs früeh los gange mit ‚eli creek' ä erfrischendi wasserquelle.. iischalts wasser.. genau s richtige zum ufwache J und in tag starte. Wiiter im norde vo dä insle häts s nögschte planschvergnüege geh im ‚champain pool'.. was sehr nöch amne wunderschöne ussichtspunkt glege isch wo sich ‚indian head' nennt. Bevors dä tag au wieder ume xi isch häts no än churze halt am bekannte schiffsvrack geh.. füres fotoshooting ;) verzell da alles etz grad zimli knapp, aber mengmol ischs extrem schwierig öpis i wort zfasse und fotos werded meh vo mine idrück vermittle!! Idä zweite nacht (äs isch amigs extrem chalt worde mitm wetter hend mir zimli glück ka nöd so wie d gruppene vor und noch üs!) sind di meiste nochm znacht uf sanddühne gsesse zum dä himmel z beobachte, will än meteoriteschauer akündiget xi isch. Noch ganze sechs sternschnuppe ;) bini denn froh xi zum i min schlofsack inä zchrüche und z pfuse. Am dritte und letschte tag vo üsm inseltrip hend mir no än andere see ‚lake wabby' betrachtet wo aber lang nöd so imposant xi isch wie dä erschti. Noch einige stunde jeepfahrt sind mir denn au wieder zrugg i üsm resort xi und froh endli ä duschi zha ;).. am obig hät üsn guide no live gsunge und gitarre gspiilt idä bar vo üsm hostel.
Ufm fraser trip hani no zwillinge vo england kenne glernt imogen and jess.. sie beidi werded idä genau gliche ziit wie i.. im genau gliche hostel wie i.. in sydney si ;)
Nochhere verhältnismässig churze busfahrt sind mir scho z Noosa xi. ä herzigs chlises städtli mit strand und nationalpark. Aber do summerziit in australie au wetseason???? Isch häts mol wieder gregnet.. was üs uf d idee brocht hät is kino zgo J ‚New Years Eve' typische hollywood film, aber glich agnehm xi. Am zweite obig in Noosa hät d Jana (eini vo mine reisekompane) ihrn 26.geburtstag ka und mir hend dä punkt natürli für ä nögschti party gnutzt. Zwüsched kino und party.. d obigbeschäftigunge hani aber au öpis aktivs tue.. än 3.5stündige spaziergang dur dä nationalpark vo noosa und so hani au min erschte wildlife koala xeh J.. jööööööö!
In Brisbane sind mir denn aber no ordentlich ä Koala Sancutary go aluege.. sprich d Charlotte, Sarah und i. d Sarah isch ä lehrerkollegin vo dä Charlotte sie beidi werded vo Brisbane zämä mitm auto reise. Somit hend mir zimli ring ufn viewpoint vo Brisbane chöne go und aschlüssend hends mi bis is Surfers Paradise mitgno ca. 1h fahrt.
Surfers Paradise.. isch äs Paradise.. fü shopping.. strand.. surfe.. usgang.. etc. d olivia hät sich aber entschiide nochmne geniale BBQ am strand.. chrank zwerde L naja anschiinend brucht mer ab und zue mol ä pause.
Bi au noch einere nacht scho wiiter noch Byron Bay.. wiiterhin uf chlinem aktivitäts niveau. Am 21.dezember jedoch hend mir üsi langaxeiti vorwiehnachtsparty (inkl. dress coat) verastaltet ;) witzigi sach und vorallem super xi will ca. 14lüt wo sich etz immer bim reise troffe hend a dem tag am glich ort xi sind.
Jetzt bini grad uf min bus am warte (dä orangi isch mir xeit worde.. greyhound sind alli rot aber hüt obig fahred füf büss richtig sydney.. sprich ca. 250 lüt) wiiterhin am probiere 100% xund zwerde für wiehnachte. Diä fiiri das johr am strand mit BBQ J speziell aber au mol ä erfahrig.
Allne dihai wünschi ganz wunderschöni wiehnachte und än super start is neue johr 2012!! Hoffentli werdeds wiisi wiehnacht so dass s feeling au richtig winterlich isch und ihr hoffentli au ganz viil schnee überchömed fü d sportferie wo jo au nüm all zu lang uf sich warte lönd.
- comments