Profile
Blog
Photos
Videos
Hallo mini liebe. Isch scho wieder ä ziitli vergange.. bin etz scho paar täg in New Zealand wöt eu aber doch no verzelle wiäs mir in Sydney ergange isch. Bricht und fotos sind zimli verspötet dos zimli schwierig isch gratis internetz finde in NZ und zahle tuesch nöd für d ziit sondern für d MB wo du ufe und abeladisch.. drum Sydney chli mit verspötig.
Wiehnachte isch uf verschiedenschti wiis speziell xi. erschtens mir fiired jo heiligobig am 24. paari hend denn gmeint..ah diä schwiizer sind jo ungeduldig will eigentli alli erscht am 25. fiired. Wasi das johr denn halt au so gmacht han. Zweitens sind mir an Bondi Beach östlich vo dä stadt xi nöd gmüetlich am obig idä stube mit füürli und fondue chinoise (hoff da schriibt mer so). dä Strand isch überfüllt xi mit lüt mit santakostüm oder nur bikini und chappe (han mir natürli au eini kauft!) wo alli wiehnachte am strand mitmne feine BBQ gnüüst hend.
Di andere täg in Sydney zwüsched wiehnacht und neujohr hani mit sightseeing, shopping (am boxing day 26.dez.. häts teilwiis warteschlange ka mi security wo gluegt hät dass nöd zviil lüüt im shop xi sind.. sprich vor Louis Vuitton oder Burberry also nöd mini marke J) und wiitere strand bsüech inkl. BBQ verbrocht (natürli hend mir au kängurufleisch mösse probiere.. mer seit segi s xündischte wos git.. fast kei fettateil.. schmöcke tuets wie rindsfleisch also ganz fein). Bekannti stränd sind Manly Beach (nordöstlich).. do hät leider s wetter nöd ganz mit gspiilt aber d fähre vom Circular Quay döt hi ischs au scho nur wert xi. gueti sicht uf d Harbor Bridge und s Operehuus. Au ä super blick uf diä beide wohrzeiche hät mer vomne park gha.. i dem sind mir au ab und zue am morge go jogge. Dä park beinhaltet wiiters dä botanischigarte und i dä bäum häts hunderti vo fledermüüs ka wo zimli än lärme hend chöne mache.
Bondi, Bronte und Coogee Beach liiged alli östlich vo dä stadt und sind durn wunderschöne 1.5h spaziergang verbunde.
Ein tag vor neu johr hend mir denn no än tagesusflug zu dä bekannte Blue Mountains gmacht.. ha mir sägä loh diä heissed so will: eukalyptus git äs öl ab id luft wo denn wo d sunestrahle reflektiert und so sölli dä blaui dunscht entstoh. Leider isch biz bewölkt xi und drum hend mir das interessanti phänomen nöd so genau xeh, aber uf bilder häts idrücklich usxeh ;)
New Years Eve.. dä tag wo alli druf gwartet hend. Mir sind früeh am morge 10AM mit dä ganze bsatzig vom hostel zumne park ufbroche zum üs än guete spot zsichere zum s füürwerk am obig zbewundere. Dos aber i verschiedenschte parks ä alkoholverbot ka hät oder BYO (bring your own) nöd erlaubt xi isch.. hend mir ufs operehuus mösse verzichte und üs mit dä Harbor Bridge zfriide geh. Was ganz klar unvergesslich wird blibe!
Am 3.Januar hani denn min flug noch Christchurch ka.. woni fast biz verschrocke bi, do i min flug fast verschlofe han J woni uf gwacht bin 6AM hani grad no 1.5h ka bis idä luft xi bin. Dank ämne super taxifahrer, ä funktionierende kreditcharte und kei verchehr isch denn doch no alles ufgange.. lucky me!!
jo und denn hani gspannt gwartet bis d Fabienne in New Zealand acho isch.. sind etz au scho paar täg underwegs und hend scho verschiedenes erlebt, aber vo dem verzelli spöter.
Viili liebi grüess us NZ. olivia
- comments