Profile
Blog
Photos
Videos
Mir si zu dä gliche Tarife wieder mitem Bus witers nach Montego Bay greist. Montego Bay isch rächt touristisch u dementsprechend o türer, Hostel hets kes ka, drum heimer üs halt Mal imene Hotel iquartiert, mä macht halt was mä cha ;-) Insgesamt simer ä Wuche dert gsi u hei die meischti Zyt am Strand verbracht, wie häts o anders chönne si, mir si halt so, haha. Mir hei aber geng chle anderi Stränd gseh, muessi da derzue erwähne ;-). Vo kostepflichtig bis gratis (alles), am einte isch der Lifeguard ganz amüsant gsi, bis dä üs sim Chämmerli wär use cho, wär mä äuä scho lang under gange.. haha (z Bild erklärts nech de). Doctors Cave isch ä mega schöne Strand gsi, aber mä het halt 6$ Itritt zahlt u drum simer nur einisch dert gsi. :-) Im Margaritaville si mir ono gsi u hei dert wie chlini Chind uf de Hüpfburge umegumpet u das isch sehr luschtig gsi, wie in alten Zeiten halt :-). Ä Usflug hei mir de doch o no z Stand bracht... mir si in Falmouth ufne Bootstour gange u das ir Nacht, ner heimer dert chönne im Plankton bade, das isch ganz idrücklech gsi, alles het sooo glüchtet weme sech bewegt het, eifach top gsi! U ya man das wärs öpe so. :-)
- comments