Profile
Blog
Photos
Videos
Üsi Gschicht geit witers, mir hei sehr spontan entschiede dasmer uf Guatemala flüge uz Land Honduras usselöh. Wiesech das het usegstellt, isches ä geniale Schachzug gsi vo üs ;-) Der Flug heimer ä Tag vorher buechet u das isch o eis äs Gfüehl gsi..."iih mir flüge ja scho morn ;-)". Mir si nach Guatemala City gfloge u hei ner dert am Flughafe gad es elters Schwizerpaar kenneglernt (69 und si si o mitem Rucksack unterwägs gsi, gib der dä Mal). Mir hei du ner gad mit ihne es Taxi nach Antigua teilt. Antigua isch ä chlini Stadt u das wieder im Kolonialstiel, es sig z bekanntischte Touristeziel in Guatemala, drum heimer dänkt das müessemer o gseh. Äs isch sehr ähnlich wie Paraty in Brasilie nume no ä Zagge besser. Äs het üs gad sofort gfalle, weme da derdür louft ischme eifach z friede, si hei so viel kuuli Beizli, Kaffis dasme fasch nid weiss wo ihne ga u alls isch so gmüetlech, mir chöi fasch sägä es isch die besti Stadt bis izä :-). Z einzige wo isch mir si da wieder ide Highlands (1500 M.ü.M) u drum isches ä Biz früscher, ämu am Abe, aber läuft bei uns. Mir si da o ga Haarschnide (mit wäsche u glettä) für 20 Chf u die hei so gmeint obmer eigentlech üser Haar nid pflege... hahahah es isch also nötig gsi. Mängisch hetmes halt nid eifach =P TRAVELLER-STYLE
- comments