Mir si miter Fähri vo Uruguay (Colonia) nach Buenos Aires (Argentinie) greist. Die Fähri het vo inne wienes Flugzüg usgseh, nume viiel bequemer, das gits ja nid uz ganze het o nume 45 min duret. Hola Buenos Aires! Die Stadt isch bekannt für Monday Funday u mir si amene Mäntig acho, was isch de das wieder fürne Zuefall ;-) Es isch ä sehr e kuuli Stadt u rächt farbig mit Bäum u vielene Pärks u natürlech super Ässe, vorallem viel Fleisch :-) Stadt besteit us 12 Viertel u het für jede öpis z biete. Also hurti schnäu so üsi d Highlights: - Monday's, Bomba del Tiempo Das isch äs Trommelkonzert gsi, open Air u het huere Spass gmacht, alles Iheimischi wo ihres Tanzbei schwinge u nachem Konzert isch d Party eifach uf der Strass witer gange u das amene Mäntig, Topp! Kostet hets nur 30 Pesos = 1.96 Chf - Complejo Tango Das isch ä super Tangoshow inkl 3-Gang Menu mit unlimitiertem Wein und Bier ;-) u vor der Show hetme no ä Tangolektion, ufjedefall äs Erlebnis wärt, kostet het das 950 Pesos = 61 Chf Viertel Centro/Downtown: - Obelisk z typische Touri Foto mitem Denkmal vor Stadt mitem BA Zeiche - Shoppe chame da super ir Florida Strass Viertel Recoleta: z riche Viertel ir Stadt im Französischestil mit riesige Pärks u der grösst Boum vor Stadt - Cementerio de la Recoleta Das isch sehr idrücklech, z erstemau womer ufemene Friedhof hei Fotos gmacht, abartig - die spinnä Viertel La Boca Das sig eher chle z gfährleche Viertel u drum söume da am Tag ga, das heimer natürlech ner so gmacht xD Es het üs aber gfalle isch alles so bunt u froh gsi