Bonjour tous le mond..

So serste weekend isch verbii.. Bis etz hani recht gueti ziit gha. Han au recht viel gmacht bis hüt.. Hüt isch min Internet Tag hani gseid.

Allora Friitig de 06.01 hani mit de Schuel en exkursion gmacht zu ''la maison de cacao'' und mini somene Boot wo dfischli gsehsch.:) kei ahnig me wie da heisst. Det hemmr de au no döfe go schnorchle. Abr me het ned viel gseh de simr halt susch so chli im Wasser planscht. Rächt amüsanti Fahrt hemmr gha will doch ned alli strasse guet zweg sind. Ajaa en chline Wasserfall simr au no go ahluege womr denn au no drin go bade sind. Am abig hani zwar welle furt mit es paar lüüt abr bi de doch zu kaputt gsi zum nomal 20 min laufe bis downtown.

Am Sa bini denn mit es paar schwiizer wo es Auto gmietet hend mit uf de Vulkan Soufriére .. Ah übrigens ohni Auto bisch da zimli verlore.. aso chasch di halt ned me als nur i dim dorf bewege.. zum dinsle chli besichtige brucht mr den scho es auto. Abr dmiete chistet z.G ned soo viel.. um di 33 euro pro Tag. und Sfahre isch ungefair wie in italie.. ;)

Uf jedefall simmer ja denn uf de Vulkanberg uegloffe gel.. :D ICH mache sache woni nonie gmacht han und es macht so richtig spass.. dbei gspöri abr doch no chli bis hüt. :) anyway hend denn scho um di 4 h gha zum ue und abe laufe.. und wie höch er isch gsehnder uf de pics. Am abig bini de serst ma use und so chli de Usgang gnosse.. sind ine disco gsi wo recht geil usgeh hed, aber de lokal isch viiieeel zgross für die wenige lüüt wo da gsi sind. :) abr glich hemr spass gha und sind de au erst am 4 hei.

Am So de 08.01 hani de Tag mit mine Hostfamily verbracht, au wills de drüü königstag mit allne Chinder vo mine Hostmother gfiired hend.. Aso trinke das chönds, da segi eu und ja esse.. i prefer my moms kîtchen.. :) gell mami.. Abr isch doch lessig gsi ha zwar ned immer alles verstande und rede hani au ned wücki chöne abr isch doch no cool gsi.. die einte sind doch no super nett und hend gseid ich sölli verbi ga wenni wöll.. weiss nur leider all die neme nüm.. :) hehe hoffe doch sie chömed widr mal verbii..

Jaaa also mini zweit wuche het widr ahgfange und und mini erste surfstunde au.. isch da geill aber das padleee.. aaahhh.. da isch super toll ahstrengend... und gester am DI bini serst mal ufem brett gstande.. im ganze 3 mal willi au ned wücki viel welle gno han.. das padle isch eifach zu ahstrengend.. abr mini ärm werdet wohl dmuskle ufbaue und schaffs de irgendwenn eifacher zfinde.. :) im ganze hani 5 mal 2h und chostet 150.- au ned wenig gell?! :/ abr ja ih hoffe dasi nachher irgendwie wiitr mache cha ohni zahle.. :) und gester simmer de no inen Salsa kurs mit es paar lüüt.. 1 h isch da gange und nachher isch eifach frei und wild tanzt worde.. und etz weissi au wiso all fraue die latinos liebed.. du als frau hoksch eifach da und egal obs chasch oder wie du usgehsch, die holed di und du musch mitene tanze.. und sbest... du musches echt ned chöne will de maa macht eifach alles.. ok evt de grund schritt vo salsa merengue, rumba und so musch drin ha damits ned gad soo blööd usgseht abr dennn.... woooowwww... es isch eifach hammer gsiii.. Männer ide schwiiz chönded wohl da chli ma abluege.. ;)

Jaa soo wienr glese hend hani viel erlebt idene wenige tage, drum machi hüt chli en easy tag und duen vorallem au chli franz lerne.. :) han mr es büächli kauft.. das hilft evtl au no chli..

De strand de isch ja sowiso immer vor eus aso jaa es stündli wird immer am strand ghockt.. bruun jaa ih glaub da bini au scho chli.. genau da machi etz no.. gang an strand und lis mis buech..

Aja aso die komische studente heds ja immer no.. abr hüt hani es paar netti schwiizerine kenneglernt halt au ahfänger wie ni, mal luege obi de kontakt zu dene no chli verscherfe cha.. ;) und susch chömed ja ebe immer widr neuii lüüt.. ;)

Guet mini liebe Verwante, Kollege und was au immer.. :) ih meld mi widr weni widr soo viel zum verzelle ha.. und dpics ned vergesse ahluege. ;)

Au revoir tous le mond hab euch gerneee...