hallo zäme

scho gli gli isches sowit u i bi schön ar wermi u due de d sunne gniesse währenddäm dass dir hie ir schwiz im schnee hocket u frieret hihi

es git aber no viu vorzbereite... z.B. hani ja es chliners problem mit mine chleider. irgendwie hani zviu sache woni wett mitnäh oder ä z chline rucksack. es isch äuä eher dr rucksack wo eifach zchli isch, i meine ig u zviu chleider das cha gar nid si... Aber isch no schwirig wüu ds gepäck darf ja nid meh aus 23kg schwär si; das isch ja nid grad viu eh ja, i ha no chli zyt u es git ja immer irgendä lösig.

d loulou u dr sammy wärde äuä de chli einsam si we si niemer meh hei wo si chöi närve (da wär ig gmeint), niemer meh wo si am 6i am morge chöi wecke wüu si hunger hei. de chöi si mi de nüme mitem pfötli täuple wüui nid wott ufstah u si doch am verhungere si. u dr sammy muess sech haut de öper angers sueche wo nä strichelet u woner de cha i finger bisse wüus ihm viu zwou isch... u d loulou muess de bi öperem angers immer ga gränne we si öpis wott. wahrschinlech si si de nid grad happy we si plötzlech uf sich säuber gsteut si, aber si hei sech ja scho säuber chönne bim frässe bediene vilech lehre si ja de no öpis angers derzue we ig de nid da bi; selbst ist die katz'...