Hallo zaeme! Endli de ersti Itrag i mi Blog. Also mer send alli guet in Shanghai acho. De Flog esch relativ ruhig verloffe u esch au relativ schnell gange. =) Leider hets am Sonnti u am Maenti no graegnet u dorom hei mer wegem Scherm vell Sache ned gseh. =) Jo mer si am Sonnti obe u am Maenti verschedeni Sehenswoerdigkeite go aluege, z.B. Pudong Financial District, People Square, Shanghai old City etc. Mer send au no ine Art Zoohandlig - im Maeret stil. Doet hets vell Scheldchroet u Hoeugoemper gha.. Natuerli hei mer gmeint as si die aesse, aber dasch ned der Fall.. Jedefalls die doet werde ned gaesse. Die Hoeugoemper oder was au emmer das si, selle Gloeckbrenge... Hoet si mer no nach Shanghai Lingang, en planeti Stadt, wo eher no inere Geisterstadt glicht.. Pflegt waer si zwar, aber dGebaeude stoei laer u uf de 6 spurige Strosse gseht mer kes Auto u kes Velo... Was wohl alli am meiste interessiert esch s'aesse... Also i laebe no u han besher zum gloeck no kei Magebeschwerde. Mer aesse erstunlecherwis relativ guet. =) Hehe, jo velles hani ned gaern, da esch jo klar gsi. Aber i han scho einiges probiert, woni ke Ahnig gha han was es esch... Meistens esch es Gmues gsi, bim Fleischige beni besher relativ zrogg haltend gsi. Hani jo deheime au ned so gern. =) Aber esch woerkli es super Erlebnis, wenn mer alli zaeme so goei go aesse u es e tesch voll aesse het. Jo ansonste muss mer halt woerkli ines Restaurant met Beldli... Get selte eis met ere Charte wo uf Englisch oebersetzt esch... Jo do esst mer de halt was mer ufe Teller bechont, zumendist teilwis. Es esch jo do gloecklecherwis hoeflech e Teil foerig loh... =) Fight for your right, esch do no chli s'Motto... Droeck di no id Metro ine, au wenn si scho lang oeberfoellt esch, es get emmer no e freie Egge.. U bi gruen musch luege as ned oeberfahre wersch vo Elektrovelos, Roller u Buess... =) Die 8 Spurige Strosse uf teilwis 5 verschedene Niveaus si beidrockend... Insgesamt het mer Shanghai guet gfalle, wells sehr vell Gegesaetz het. Henter chline Gaessli erhebed sech weder Hochhueser. Nebe tuere Autos, fahred Luet met Elektrovelos oder so Drueradfahraeder ome etc. Es het no Alt u Neu... Sodeli e muss mol go luege was di andere so mached. =) Leider chani gad no kei Fotis druf lade. Werd aber no nochegholt. =) So eschs jo schliesslech ned so spannend. Liebe Gruess