Profile
Blog
Photos
Videos
Hallo mini Liebe :)
Ja ich lebe na!
Leider hend sich Kuba und mini Idee voneme Blog ned ganz vertreit. S Internet in Kuba isch eh so schlecht gsi dasi nach 30 minute vergeblichem versueche uf mini Blog Site z cho die ganz üebig abbroche han. Das isch de Grund warum ihr so lang nüt vo mit ghört hend. Momentan hocki in Costa Rica und han super Internet Empfang und ganz viil ziit es usgibigs Update z schribe.
Mini Erlebnis in Kuba:
Nachdem ich am 2.3 am Abig am 20 Uhr in Havanna glandet bin unds denn am 21:30 Uhr au tatsächlich us de Imigration gschaffet han bini so erledigt gsi dasi nur na zu minere Gastfamilie han welle und dete ih mis Bett. Wie ineme vorherige Blog Ihtrag scho erwähnt hani binere sehr sehr alte aber mega liebe lady gwohnt wo nur spanisch het chene. Das isch am ahfang es zimlichs Problem gsi da ich keis Wort spnisch han chene ind sie sehr gern gred het. Mer hend eus denn mit Händ und Füess chene verständige :). Mini Schuel isch ca. 10 Minute zum laute entfernt gsi vom Hus woni gwohnt han...
- comments