Profile
Blog
Photos
Videos
Mini letschd Woche in Playa Colorada...
Ech be iz scho oeber vier Woche in Venezuela ond es gfaut mer emmer no sehr guet.
doers Volunteer-Projekt hani d Moeglechkeit ide Schueu (8 - 12 jaehrigi Chend) go Aenglisch onterrechte. Am erste Tag esch zwor d Schueu usgfalle, woeu si kei Trenkwasser gha hend ond am zwoeite Tag hed de gar niemer meh gwoesst das ech chome.... Nothing is sure, everything is possible - das esch e Leitsatz vo de Venezuelaner - trefft aso oft zue. Ha de aber gliich Schueu ghae ond s hed rechtig Spass gmacht. Es send ca. 30 Chend immene Schueu Zemmer ond s esch aso ganz normau das eifach eis Chend weder uselouft oder das d Lehreri schnoeu god go telefoniere... ;-) Chamer sech nor schwaer vorstelle, wenn mers ned saelber gse hed. Aber s Schueu gaeh macht rechtig froeid ond met mim Spanisch gods rechtig guet!
E eim Wochenaend semmer foer drue Taeg i National Park, womer vor de "Huustoere" hend, go kayak fahre. Ei Tag semmer insgesamt 6 Stonde onderwaegs gse, hend onderwaegs ganz voeu Delphine, Chraebse ond farbigi Fesch. Esch e Troum gse. D Naecht hemmer i Haengematte verbrocht, met Moskitonetz... die send do ganz agrefig. ond set ere Woche (noch mim oebe 200ste Stech) leggi sogar laengi Hose ond es Sweatshirt a zom schlofe. ;-)
Hoet beni grad go s Ticket foer d Faehri of d Isla Margarita choufe. I drue Taeg treffi dete d Peti ond de gods los met Reise!!! Froeie mech riesig druf!
Woensche oeich e schoene Obe - hend oeich warm!!
- comments