Profile
Blog
Photos
Videos
Nachere eher unruhige Nacht wägeme schlimme gligger heimr hüt morge grad ume usztschegget! Nomau e Nacht uf däm kabute Bett geit garnid!
Iz müessemr haut no e Ungerkunft sueche fuer die hütegi Nacht!
Mir si no hurti iz "KFC" go z'Mörgele. Es het e Burger mit Spieguei & Röschtitätsch gäh!
U es Müesli het natürlech ou nid dörfe fähle! =:o) Aber uf z'Müesli heimr uuuu lang müesse warte! I gloub die hei das zum erschtemau müesse mache! "Lol"
Erstuunt eim ja nid weme gseht was die hiesige zum z'Nüni ässe: Fritierti Chikken mit Pommes!=:o(
De miteme voue Buch iz "Castle of good hope"! Leidr isch dr Schlüssuübergabzeremonie
nume unger dr Wuche! Somit heimr das nid chöne gschoue! Drfür heimr aber d'Generalprob vom "Military-Tatto" chöne lose u luege! No witzig gsi...auts Schloss aluege mit Duddusackgeblase!
U da hüt so ne tolle Wättertag mit blauem Himmu isch heimr üs churzspitz entschiede iz "Bo-Kaap" Viertu z'fahre! Das isch die Gägend mit de farbige Hüser! De einisch dür die Strass gloffe u bim zrüggcho no bim Inder Restaurant düre! Nja,...ume fein gsi!
Iz vougnärt ufe "Signal Hill" go d'Ussicht gniesse u de Gleitschirmflüger bim starte zueluege!
z'Ungerkunftsglieger isch nonid gklärt u drum simer ad Waterfront go lädele u hei no hurti mit Wifi im MC Donald chöne es Bett bueche! =;o) zwar ou nume imene Backbacker! Aber es cha ja nume besser cho! Nach langem sueche heimrs du de gfunge gha u hei no es Teeli trunke!
Vorhär hets aber ar Waterfront no es feins Bierli gäh mit Musigungerhautig!
- comments