Nacheme feine z'Morgebuffet isches de scho ume witergange uf direktem Waeg nach Swakopmund. Dr eint oder anger WC Stop u de simr e bitzwit dür d'Wüeschti gfahre....da het me d' FataMorgana gseh! �� Bim Schiffswrack heimr gstoppet zum go luege.
Sie hei das Schiff wöue abschleppe zum la flicke, aber de isches vor Swakopmund usenanggheit. Sit den liegts vorem Strand uf Grund! ��
Isch aber es tolls Photo-Objekt! ��

In Swakopmund acho heimr üsi Zimmer im Schweizer Hotel bezoge u si uf Stadtrundgang!
Isch es härzig Staedtli aber nid auzugross! d'Kudu-Läderschueh hei leidr nid grad bequem usgseh u drum heimrs mitem choufe ou lasi!

Am Abe simr du iz"Brauhaus" go ässe! Das sig DIE Adresse.... U es hetsech ou usegsteut dases si Name verdient het! Mir hei superfein gässe! I es Beeffilet mit Chnöpfli u dr Dänu es Orix-Steak mit Pommes! Beides super lecker gsi!

Am nächscht Morge simr ume am 8ti gstartet zu üsere letschte Loge in Solitare Farm Gebiet!
Hei no hurti dr Umwäg gmacht über "Walvis Bay" zum Flamingo's luege! Vorhär isch aber dr Harold no mit üs dür z'Armeviertel gfahre! Krasse Ungerschied gägge z'Stedtli!

De simmer Landesiwäerts gfahre über Schotterpischte u dür Mondlandschafte bis mr du ir Loge si acho! Die hei auti OutoWracks vorem Igang gha wo si hei i Szene gsetzt! Am Abe hets no cooler usgseh wöu si d'Liechter vo de Outo hei us Waeglampe brucht! Leidr heimr vo denä kes einzigs Photo! ��