Profile
Blog
Photos
Videos
Früeh isches ume heu worde nach derä ungwohnte Nacht im Kloster.
7h hets scho ume es z'Morge gäh u am 8ti simmer zur 2. Etappe gstartet.
Grad am Afang isches rächt abegange...simer ja doch uf ca. 1600 Meter obe gsi...
Geit auso scho grad ume id Chnöi....ABER EGAU....dr Usblick isch grandios u beidruckend.
Immer wider gseh mr Farmerfamelys wo dr Bärgries düe ärnte...i de unmüglechschte Häng.
Ungloublech was die leischte.
Nach ca 1 1/2 Stung heimr imene Dorf e Teetime dörfe näh bire Famely u drbi chli usruhie.
De isches ume wittergange mitere stetige ufwärtsstiegig...üs si Farmerfamelys entgäge cho wo ou am Sunnti uf d'Feuder si. Bime See sisi go sich seuber oder d'Wösch wäsche.
Bi däm Trekking gseht me soooo viu wie die Lüt hie Läbe u was si mache....isch idrücklech....scho nume wäg däm hetsech die asträngig glohnt. d'Landschaft isch scho atemberoubend.....eifach z'abeloufe isch doch so nach über 700 Höhemter ächt gnue...
Sie du froh gsi simer nach ca 12 km bim Zieu itrudlet. De grad zersch ume e Lunch gnämiget u üs vom Choch & Wasserträger verabschiedet. De simer mitem Guide zu üsem neue Driver cho....dr Bootdriver...Er het üs zu üsere Ungerkunft bracht womr die nächschte 2 Nächt wärde bliebe. Es witters Higlight isch die Bootsfahrt gsi....dür die Wasserstrasse vo de Lüt wo ufem Wasser läbe.
Nachem irichte im Hotel simer du no d'Ortschaft go gschoue miteme Ässensstop bimene Inder.
De wos Fischter isch worde ume zruegg iz Zimmer.....
U über churz oder läng wirds üs sicher ume d'Ouge zueschletzte....
Pyi Guest House
- comments