Profile
Blog
Photos
Videos
Mir si scho gaaaaanz chribelig.... Hüt isch d'Ballonfahrt über Bagan ufem Programm.
Am 5fi simer vomene aute Bus abghout worde vorem Hotel...de no es paar angeri Flugpassagier go abhole u de simer ufem Ballonabflugplatz itrudle...
Ou wes no dunku gsi isch...isches e tolli Stimmig gsi.
Aui Ballön si nklusiv Busli parat gleit gsi zum starte. Mir hei de es Breaveng becho wie mr üs müesse verhaute... Da mir meh zaut hei aus die angere heimr ou dr chliner Chorb gha...mir hei drzue no z'Glück gha mitem Chef- Pilot dörfe z'flüge. ( Gsamthaft simer 9 Persone gsi)
Das üse Pilot 40'000 Flugstunge het gha het mi dochno grad chli beruhiget...isch doch das mi bzw. üse erscht Ballon Flug gsi. Zum start hets de no es The gäh mit Guetzli. Schön z'wägmacht imene Haubkreis zum ufeme Stüehli höckle.
De isch langsam Bewegig i die ganz Sach cho. Sie hei agfange aui Ballön z'fühu....
Vor luter luege isch me garnüd drzuecho z'überlege bzw. Bibere....de hets gheisse ischtiege.... U de simer pünktlech zum Sunneufgang gstartet ufene ungloubleche, wunderschöne, unbeschriebliche Flug über Tämpustadt Bagan. Mir si beidi völlig gfange gsi i derä wahnsinnige Stimmig u heiss chum chöne gloube wie schön dases isch.....eifach AMAZING. Es Erläbnis woni nie wett misse
Wases ou sicher sooo speziell gmacht het isch das mr nid ellei si gsi....gsamthaft si mit üs ca 16 Ballön ungerwägs gsi. U mir hei z'Glück gha das mr us letschts gstartet si u dür das die angere Ballön immer voris gha hei. Het super Biuder gäh .... de simdr SIEDEFINN glandet. d'Crew het am Bode scho uf üs gwartet. U sie hei üs megä härzlech empfange... De wäredäm sie hei dr Ballon zämegrumt hei mir es Cüpli zwöi dörfe schlürfe mit Bananecake. Dehets no e Urkunde gäh u ungerwägs heimer no Photos gmacht vom Chorb ir Luft.... Die heimr de später ufeme USB Stick iz Hotel becho.
Nach däm tolle Erläbnis heimr no es späts z'Morge im Hotel gnosse u nachere churze usruihpouse het dr Guide scho ume miteme "elk. Bike" uf üs gwartet.
De simer mit 3 Elk. Töffli dür Tämpu u Dörfer kurvet mit viellne intressante Gegäbeheite.
Iblick ines Dorfläbe...Tämpuwandmalereie....idrücklechi Buddhagrössine...u ungertags Gebäude.
Nachem Märitbsuech simer nume hurti ines Thehus go ne chline Snack näh u de isches grad ume witergange.
Lunch and dinner will be on your own account.
Overnight stay in Bagan.
Kaday Aung Hotel, Pann St., Hteeminyin Block, Kyansittha Quarter, Neu Bagan, Bagan, Myanmar
- comments