Haaallo zaeme :-)

Soo, has wider mal gschafft anen PC zcho. Aber wie ich ja gse schribt eh niemert me is Gaestebuech;-) Naja, verzell eu glich echli wasi so die letschte paar Taeg erlaebt han.

Bin glaubs zAirlie Beach stecke blibe mit schribe. Am zistig znacht simmer mit em greyhound wiiter uf hervey bay gfahre. haen oeppe 13h moese fahre. und ich ha noed choene schlafe..isch vil zchalt gsi und en duetschte womer kaenneglernt haend haet mi immer gweckt..sind daenn guet zhervey bay acho und dae backpackers (YHA) isch au super schoen gsi. am naechschte tag haemmer daenn en usflug ufd fraser island gmacht aber s haet die ganz ziit nur gschiffed. isch mega schad gsi. sind daenn nochli im raege go kanu fahre. isch mega lustig gsi. ja waeg em schlaechte waetter simmer daenn am samstig wider abgreist. die naechscht station isch noosa gsi. det simmer 4naecht blibe. s haet eus mega guet gfalle. s waetter und dae beach sind super gsi. aentli mal wider en beach womer eifach so haet choene is meer ohni dass mr waeg jelly fish haet moese angst ha..han daenn als ersatz fuerd fraser island nomal en gfuehrte tagesusflug gmacht. isch eifach meeeega gsi. mit em jeep am strand im sand umefaetze, amne super schoene beach go bade, dur dae raegewald spaziere..ui und daenn haemmer no e schlange gse im raegewald..dae guide haet gseit es hegi schlange aber es heg nonie oeppert eini gse. zu 99.9 % gsechemer au keini..he nei und prompt lauft eini nach 2-3minute vor eusne fuess dure..weisch wie simmer verschrocke..hihi..D Marina isch i daere Ziit go surfe. Ihre haets mega gfalle aber sie haet etz na muskelkater ;-) Gester simmer daenn zBrisbane acho. Leider haet eus niemert abgholt bi dae Station. Vooll doof gsi. Haend zerscht mal 10minute moese umelaufe und en chline huegel duruf laufe mit eusem ganze gepaeck (und es wird irgendwie immer me gepaeck = souvenirs etc..). Huet simmer inen "Koala Park". Han nonie sovil Koalas uf eim Hufe gse. Sie sind sooo schnuesig gsi und haend eine choene in Arm nae und knuddle. Bin meega happy gsi nachher. Isch sone cools gfuehl gsi..Am Nami haemmer d Stadt echli unsicher gmacht. Es haet meeega vil Laede..Isch mega komisch nach so langer ziit widermal inere Stadt zsi. Etz simmer eigentli immer a so chline oertli gsi..Morn machemer daenn no e Sightseeing Tour und am Samstig gahts daenn wiiter uf Surfers Paradise. Ja und i 13Taeg gahts scho zrugg id schwiiz..

Ich hoffe eu gahts allne au guet und i wuensch eu na e schoeni ziit. macheds guet und vili liebi gruessli vo brisbane,

eui Angi