Profile
Blog
Photos
Videos
Hallo
Ich bin jetzt in Brisbane acho. Ich bin mit em Flueger vo Perth nach Learmont (naehe Exmouth) gfloge und han dete dae Alain und d'Esther troffe. Nach ere Nacht in Exmouth isch dae Alain und ich daenn nach Broome losgfahre. Isch ae verdammt wieti Strecki gsi fuer ein Tag. Sind ca 1400 Km gsi. Sind oeppe 12h nur am fahre gsi. Naja, isch au verbi gange. Da choemed Distanze ae ganz anderi Beduetig ueber. Wo mer au anelueged, nur Wuesti bis zum Horizont. Vo Broome sind mir daenn Richtung Kakadoo Nationalpark gfahre. Leider brucht mer dete en 4x4 zum wuerkli alles z'gseh. Das haend mir leider noed gha. Nacher sind mir daenn Richtung Sueden nach Alice Springs gfahre. Vo dete us sind mir daenn Uluru (Ayers Rock) go aluege. Isch no en imposant gsi. Nacher sind mir daenn nach Brisbane gfhare. Uf em Waeg nach Brisbane han ich daenn no en Umfall gmacht. So en scheiss Vogel isch mir voll id Windschutzschiebe gfloge. Uf dae Bifahrer Siete isch alles zertruemmeret gsi. Naja, eus haets nuet gmacht und ae neui Schiebe haet mich 200.-- chostet. Jetzt versuecht dae Alain sis Auto z'verkaufe. Die Woche waend mir aber mal no nach Nimbin und d'XXXX (Four X) Bierbrauerei go aluege. Tja, das waers eigentlich scho wider vo mir.
Macheds guet und bis bald.
Paede
- comments