Profile
Blog
Photos
Videos
Mir hei spontan entschiede dasmer z Land wächsle und nach San Juan del Sur gö, wüll mer gad bock hei ka unds in Nicaragua viel billiger isch :-) Mir si für 28$ miteme direkt Bus vo Liberia (Costa Rica) nach Rivas (Nicaragua) greist und hei ä Usreisegebühr (7$) sowie ä Ireisegebühr (12$) zahlt. Z Ganze isch zum Glück ribigslos abglofä :-) Dernah heimer üs äs Taxi mit anderne Backpackers teilt u si guet in SJDS acho. Diesmal heimer scho äs Hostel im Vorus buechet, wülls sehr beliebt sig da. San Juan del Sur isch nämlech z Surfer & Partystadt vo Nicaragua und mir müesse sägä, äs isch würk ganz ä kuule Ort! Es isch chlin u mäh het schnell der Überblick. Es isch richtig härzig, d Hüser si farbig u bemale, es het viel Surfershops, kuuli Bars ud Lüt si all z friede - was wotme no meh? :-) Mir si 3 Nächt dert gsi u hei z Nachtlebe natürlech o mal müesse under d Lupe näh, mir si are Ladysnight glandet im Beach Club Iguana u da hei d Froue der ganz Abe chönne gratis trinke (Vodka & Rum)... das het üs schier eine gäh, das isch mal ä Ladys Night gsi. Aja i Kino simer ono u hei so gseit der Kino für üs allei ka (Keller mit Linwand) u hei ner sogar chönne der Film useläsä, herrlech gsi! Üsi Tipps: Äs Kaffi im El Gato Negro , dört füehlt me sech nämlech gad wohl weme ine chunt und ä Drink im Pelican Eyes Resort & Spa darfe ja nid verpasse, wüll mä vo dert ä hammer Usblick het. Hasta Luego
- comments